ڤیدیۆ.. خانمێك هێرشدەكاتە سەر ئاهەنگی هاوسەرگیریی هاوژینەكەی

Google+ Pinterest LinkedIn Tumblr +

پیاوێك بە هاوژینەكەی راگەیاندوە دەچێتە دەرەوەی شار بەمەبەستی كاركردن، بەڵام لە راستیدا لەبری دەرەوەی شار و كار چوەتە كڵێسا بۆ ئەنجامدانی هاوسەرگیری دوەم و هاوژینەكەی بەو كارە دەزانێت.

باوكی سێ منداڵە و لە كڵێسایەك سەرقاڵی ئەنجامدانی هاوسەرگیرییە لەگەڵ خۆشەویستەكەیدا

تۆمارێكی ڤیدیۆیی ئەو دیمەنە پیشاندەدات كە لە زامبیا رویداوە و تێیدا ئەیبراهام مویوندا كە باوكی سێ منداڵە لە كڵێسایەك سەرقاڵی ئەنجامدانی هاوسەرگیرییە لەگەڵ خۆشەویستەكەیدا و لەوكاتەدا هاوژینی یەكەمی هێرشدەكاتە سەر پرۆسەكە.

بە هاوژینەكەی راگەیاندوە دەچێتە گەشتی كار، بەڵام دراوسێیەكیان هاوژینەكەی لەو پلانە نهێنییە ئاگاداركردوەتەوە

رۆژنامەی زامبیان ئۆبزێرڤەر لەوبارەیەوە رایگەیاندوە، پیاوەكە بە هاوژینەكەی راگەیاندوە دەچێتە گەشتی كار، بەڵام دراوسێیەكیان هاوژینەكەی لەو پلانە نهێنییە ئاگاداركردوەتەوە.

ئەم هاوسەرگیرییە نابێت بەردەوامبێت، چونكە ئەو پیاوە هاوژینی منە

لەكاتی گونجاودا ئەو خانمەی دایكی سێ منداڵە، دەچێتە كڵێساكە و داوادەكات پرۆسەكە پێش دەستپێكردن كۆتایی پێبهێندرێت، لەگەڵ گەیشتنیدا بە كڵێساكە دەڵێت “ئەم هاوسەرگیرییە نابێت بەردەوامبێت، چونكە ئەو پیاوە هاوژینی منە”.

هەرگیز شەڕیان نەكردوە و ناشزانێت بەتەواوی هۆكاری رودانی ئەو كارە چییە

ئاماژە بەوەشدەكات، هێشتا لەگەڵ هاوژینەكەی پێكەوەن و لێكجیانەبونەتەوە، هەرگیز شەڕیان نەكردوە و ناشزانێت بەتەواوی هۆكاری رودانی ئەو كارە چییە.

راپۆرتە هەواڵییەكان باس لەوەدەكەن، دەكرێت تۆمەتی ئەنجامدانی هاوسەرگیری لەگەڵ دو كەسدا لە هەمانكاتدا و پێكەوە، بدرێتە پاڵ مویوندا و سزاكەی بگاتە حەوت ساڵ زیندانیكردن.

| 2537 جار خوێندراوەتەوە|

Comments are closed.

Open