کلیکی ئێرە بکە زەرەر ناکەیت دواتر لایکی بکە و سەدان بابەتی هەمەرەنگ ببینن

ئەڤین : ئافرەتی کورد نازانن رەحەت ببن | ماڵپه‌ڕی سه‌ربه‌ست

ئەڤین : ئافرەتی کورد نازانن رەحەت ببن

12/02/12
  • بنێره‌ بۆ فه‌یس بوک

  •    ئه‌م بابه‌ته‌ 42,969 جار خوێنراوه‌ته‌وه‌

    گهکگهکگ
    له‌و وڵاته‌ی منی لێده‌ژیم ئافره‌ت نییه‌ قبوڵی بكات پیاوه‌كه‌ی سێكسی پێنج خووله‌كی له‌گه‌ڵدا بكات
    * له‌ ناو رای گشتی كوردییدا ئینكاریی له‌ له‌شفرۆشی كورد ده‌كرێ چوونكه‌ ده‌بێته‌ سووكایه‌تی
    * له‌ كۆمه‌ڵگای كوردیدا چووك “زه‌كه‌ر”ی پیاو هۆكاری چه‌وساندنه‌وه‌ی ئافره‌تانه‌

    ئه‌ڤین عه‌زیز له‌م دیمانه‌یه‌دا باس له‌ هۆشیاریی سێكسیی ده‌كات و پێیوایه‌ هۆشیاریی سێكسیی لای تاكی كورد له‌ ئاستێكی نزمدایه‌، باس له‌وه‌ش ده‌كات ئاین یان شه‌رع هیچی پێ نییه‌ له‌ باره‌ی په‌یوه‌ندیی سێكسیی و ته‌نیا سێكس وه‌ك بابه‌تێكی چێژ بۆ پیاوان ده‌بینێت. ئه‌ڤین عه‌زیز له‌ دیمانه‌كه‌دا باس له‌ دیارده‌ی په‌یوه‌ندیی جنسی و حساب نه‌كردن بۆ ئافره‌تان ده‌كات له‌ كاتی پرۆسه‌ی سێكسدا.

    شه‌پۆل: گرنگیی دروستكردنی هۆشیاریی سێكسیی لای تاكی كورد، چۆن ده‌بینیت؟. پێتوانییه‌ راگه‌یاندنی كوردیی هێشتا شه‌رم له‌ ورووژاندنی بواری سێكس ده‌كاته‌وه‌؟.

    ئه‌ڤین عه‌زیز: هۆشیاری سێكس لای تاك په‌یوه‌ندیی به‌وه‌وه‌ هه‌یه‌ ئه‌و تاكه‌ چ ناسنامه‌یه‌كی سێكسوالیتێتی هه‌یه‌. هۆمۆسێكسوێله‌ (پیاو و پیاو) هێترۆسێكسوێله‌ (ژن و پیاو) . له‌سبیانه‌ (ژن و ژن) یان خۆنوێنی (عاده‌ی سری) ده‌كات هێتد. سه‌خته‌ له‌ كۆمه‌ڵی ئێمه‌دا باس له‌ هۆشیاریی سێكسیی بكه‌ی گه‌ر به‌ شێوه‌ گشتییه‌كه‌ی زانستی سێكس نه‌بینی و دان به‌ بوونی جیاوازیی ناسنامه‌ی سێكسیدا نه‌نێی. خه‌ڵك پێی خۆش بێ و نه‌بێ له‌ كۆمه‌ڵگای ئێمه‌دا ناسنامه‌ی هێترۆسێكسوالێتیتی ده‌درێتێ. له‌كاتێكدا ره‌نگه‌ ئه‌مه‌ واقعی ژیانی هه‌موو تاكه‌كانی كۆمه‌ڵگه‌ی كوردیی نه‌بێ. هۆشیاریی سێكسیی زۆر گرنگه‌ و پێویستی به‌ خه‌ڵكانی پسپۆر هه‌یه‌ له‌ هه‌موو كورددا سێكسۆلۆگمان نییه‌ ئیتر چۆن له‌ كه‌ناڵی راگه‌یاندنه‌وه‌ قسه‌ له‌سه‌ر ئه‌م مه‌سه‌له‌یه‌ بكرێ؟!. گرنگه‌ ئێمه‌ بزانین چۆن له‌سه‌ر مه‌سه‌له‌ی سێكس قسه‌ ده‌كه‌ین. ده‌بێ توێژینه‌وه‌ی زانستیت هه‌بێ، ده‌بێ بزانی هۆكاره‌كانی نه‌گه‌شیتنی بۆ نموونه‌ ئافره‌تان به‌ پله‌ی ئۆرگاسم چییه‌؟. ئایا هۆكاره‌كه‌ی ئه‌وه‌یه‌ كه‌ پیاو زوو ته‌واو ده‌بێ كه‌واته‌ ئه‌و پیاوانه‌ پێویستیان به‌ چاره‌سه‌ر هه‌یه‌ ده‌بێ بچنه‌ لای سێكسۆلۆگ بۆ راوێژ كردن. ساڵانه‌ لێره‌ چه‌نده‌ها كتێب تایبه‌ت به‌ سێكس دێنه‌ ناو بازاڕه‌وه‌ كه‌ چه‌ندین ته‌كنیك و تیپسی تێدایه‌ چۆن ئافره‌ت و پیاو فێری ئه‌وه‌ بن له‌ شیان له‌سه‌ر جۆره‌كانی ئۆرگاسم رابهێنن. ره‌نگه‌ ئه‌وانه‌ی زانستی جه‌نده‌ر ده‌خوێنن زۆر له‌باره‌ی ئه‌وه‌وه‌ بخوێنن كه‌ سێكسوالیتێت له‌ كۆمه‌ڵگا و كولتووری جیاوازدا چۆن ده‌بینرێ و ئه‌و بۆچوونانه‌ی له‌م كولتووره‌ جیاوازانه‌دان بنه‌ماكه‌ی له‌ چییه‌وه‌ هاتووه‌ به‌ڵام ئه‌وه‌ هه‌رگیز باس له‌ جۆره‌كانی ئۆرگاسم ناكات و رێنوێنت ناكات له‌سه‌ر ته‌كنیكی سێكس ناكات ئه‌مه‌ تایبه‌ت به‌ زانستی سێكسۆلۆگییه‌.

    شه‌پۆل: هه‌ست ناكه‌یت پیاوی كورد ته‌نیا وه‌ك ئامڕازێكی سێكسیی سه‌یری ئافره‌ت ده‌كات؟. هه‌رواش پێتوانییه‌ ئافره‌تی كورد هه‌میشه‌ حه‌زه‌ر له‌ پیاو ده‌كات و وه‌ك په‌لامارده‌ر لێی ده‌ڕوانێت؟.

    ئه‌ڤین عه‌زیز: نه‌ك هه‌ست ده‌كه‌م ئه‌وه‌ حه‌قیقه‌تێكی موتڵه‌قه‌، له‌ كۆمه‌ڵی ئێمه‌دا بوونی ئافره‌ت له‌مه‌ڕ په‌یوه‌ندییه‌ سێكسییه‌كانییه‌وه‌یه‌تی به‌ پیاوه‌وه‌، ئه‌مه‌ وای كردووه‌ له‌بیری ئافره‌تدا وێنای خۆی وه‌ك نێچیر بۆ پیاو ببینێ و پیاویش ئه‌و دڕنده‌ په‌لامارده‌ره‌یه‌. كه‌ له‌ راستیدا ئه‌مه‌ وێناندنێكی زۆر نامرۆڤانه‌یه‌ بۆ ئافره‌ت و پیاو. لاموایه‌ ده‌بێ ئێمه‌ له‌ كۆمه‌ڵگادا وه‌ك دوو مرۆڤ له‌یه‌ك بڕوانین كه‌ خاوه‌نی ئاوه‌زین نه‌ك له‌ رێی روانگه‌ و بۆچوونمانه‌وه‌ به‌رگی مرۆیی له‌به‌ر یه‌ك دابماڵین. په‌یوه‌ندیی سێكسیی پێویستیی به‌ ئاوه‌ز و رۆح و هه‌سته‌ نه‌ك نێچیر و په‌لامارده‌ر. با ئێمه‌ په‌یوه‌ندییه‌كانمان له‌ رێی كۆمۆنیكاخوون و گفتوگۆوه‌ بێ، با رێز له‌ رای یه‌كتر وه‌ربگیرێ، خۆمان له‌ نۆرمی غابه‌یی به‌ دوور بكه‌ین.

    شه‌پۆل: ئاین له‌ كۆمه‌ڵی كورده‌وارییدا رۆڵێكی گرنگی هه‌یه‌ و ئه‌و تێزه‌ش هه‌میشه‌ له‌سه‌ر زاره‌ كه‌ له‌ شه‌رعدا شه‌رم نییه‌ واته‌ ئاساییه‌ پرسه‌ سێكسییه‌كانیش ببێته‌ جێی باس و خواس. ئه‌ی كه‌واته‌ بۆچی هێشتا كۆمه‌ڵی كوردیی ورووژاندنی پرسی سێكس به‌ ناشه‌رعی و حه‌رام ده‌بینێت؟.

    ئه‌ڤین عه‌زیز: له‌به‌ر ئه‌وه‌ی شه‌رع هیچی پێ نییه‌ بۆ ئه‌م مه‌سه‌له‌یه‌، بۆیه‌ش كه‌ تۆ به‌ شێوه‌یه‌كی كراوه‌ باس له‌ سێكس ده‌كه‌ی ئه‌وانه‌ی سه‌ر به‌ شه‌رعن به‌تایبه‌ت ده‌هری ده‌بن. هه‌موو شه‌رع پرۆسه‌ی سێكس له‌ رووی ویستی پیاو بۆ سێكس فۆرموولێرا كردووه‌، به‌وه‌ی كه‌ ئافره‌ت یان دۆشه‌كی پیاوه‌ بۆ دامركاندنه‌وه‌ی ئاره‌زووی پیاو یان كێڵگه‌ی تۆوی پیاوه‌ بۆ به‌رهه‌مهێنانی منداڵ. سه‌یركه‌! زۆر جار ئێمه‌ خوتبه‌ی مه‌لای مزگه‌وته‌كانمان گوێ لێ بووه‌ كه‌ چۆن ده‌بێ ئافره‌ت له‌به‌ر ئه‌مر و ویستی خودا ده‌بێ خۆی بكاته‌ خێری هه‌وه‌سی پیاو كه‌ نابێ به‌ هیچ شێوه‌یه‌ك وه‌ك ئه‌وان ده‌ڵێن “دڵی پیاوه‌كه‌ی بشكێنێ”!! واتا ئافره‌ت به‌ هیچ شێوه‌یه‌ك خاوه‌نی وشه‌ی “نا” نابێ له‌ سێكسدا، ئه‌مه‌ به‌ته‌واوی دووره‌ له‌ راستی و خوا هیچ په‌یوه‌ندییه‌كی به‌مه‌وه‌ نییه‌ به‌ڵكو ئه‌مه‌ خواستی پیاوه‌كانه‌، تۆ بیر بكه‌ره‌وه‌ له‌وه‌ی گه‌ر دنیا به‌ جۆرێكی دیكه‌ بوایه‌ و ئه‌و كات ئافره‌ت خوای به‌كاربهێنایه‌ بۆ مه‌رامی سێكسوالیتێتی خۆی وه‌ك چۆن ئه‌مڕۆ پیاو ده‌یكا، ره‌نگه‌ ئه‌و كات ئافره‌ت هاواری بكردایه‌ له‌سه‌ر بڵندگۆی مزگه‌وته‌كانه‌وه‌ كه‌ “هه‌ر پیاوێك سێكسی پێنج خووله‌كی له‌گه‌ڵ ژنه‌كه‌یدا بكات خوا به‌ ئاگری جه‌هه‌نده‌م ده‌یسوتێنێ”.

    من لێكۆڵینه‌وه‌یه‌كی وام له‌به‌رده‌ستایه‌ زۆرێك له‌و ئافره‌تانه‌ هه‌ر نازانن ئۆرگاسم چییه‌، پیاوه‌كانیان له‌ پیاوه‌ پێنج خووله‌كییه‌كانن!! له‌به‌ر ئه‌وه‌ی ئافره‌ت هێشتا له‌سه‌ره‌تای پرۆسه‌كه‌دایه‌ و گه‌رم نه‌بووه‌ كه‌ پیاوه‌كه‌ی ته‌واو بووه‌. دواجار ده‌بێته‌ هۆی ئه‌وه‌ی ئافره‌ت نه‌فره‌ت له‌ سێكس په‌یدا بكات. پیاوه‌كانیش خوو به‌ سێكس ده‌گرن وه‌ك ئه‌لكهۆل یان جگه‌ره‌. له‌م وڵاته‌ی منی لێده‌ژیم ئافره‌ت نییه‌ قبوڵی بكات له‌وه‌ی پیاوه‌كه‌ی سێكسی پێنج خووله‌كی له‌گه‌ڵدا بكات ته‌نانه‌ت ئه‌م پیاوانه‌ به‌ ناكامڵترین پیاو ده‌درێنه‌ قه‌ڵه‌م و ئافره‌ت به‌ دیاریانه‌وه‌ نامێنێته‌وه‌ و زۆر به‌ راشكاویش ده‌ڵێن من له‌به‌ر ئه‌وه‌ لێی جیا بوومه‌ته‌وه‌ له‌به‌رئه‌وه‌ی زوو ته‌واو بووه‌. به‌ڵام ئاخۆ ئافره‌تی لای ئێمه‌ ده‌توانن مه‌رجێكی له‌م جۆره‌ بۆ هاوسه‌ره‌كانیان دابنێن. لێره‌دا ده‌بێ رێگه‌ بدرێ به‌ شاره‌زایان له‌سه‌ر ته‌كنیكی په‌یوه‌ندیی سێكسیان قسه‌ بكه‌ن، لێره‌ ساڵانه‌ چه‌ندین كتێبی تایبه‌ت به‌ سێكس له‌لایه‌ن سێكسۆلۆگه‌كانه‌وه‌ ده‌رده‌چێ كه‌ چۆن ده‌توانی به‌ چه‌ندین جۆری پله‌ی ئۆرگاسم بگه‌ی، چۆنیش له‌شی خۆتیان له‌سه‌ر راده‌هێنی، كه‌ شێوازی هه‌ندێ له‌م ئۆرگاسمانه‌ كه‌ ئافره‌ت یان پیاو له‌ رێی سێكسكردن له‌گه‌ڵ خۆیدا “عاده‌ی سری” ده‌توانن پێی بگه‌ن كه‌ مه‌رج بۆ ئه‌مه‌ش ناسینی به‌شه‌كانی له‌شه‌ كه‌ چۆن چۆنی كار ده‌كات.

    شه‌پۆل: به‌مدواییانه‌ هه‌واڵی ئه‌وه‌ بڵاوكرایه‌وه‌ ته‌نیا له‌ شاری سلێمانی 400 ماڵی له‌شفرۆشیی هه‌یه‌ و له‌به‌رامبه‌ر ئه‌مه‌ش كه‌مپینی دژ دروستكراوه‌؟. تۆ پێتوایه‌ چۆن رووبه‌ڕووی دیارده‌ی له‌شفرۆشی ببینه‌وه‌ له‌ كوردستان؟. ئایا فراوانبوونی ئه‌و دیارده‌یه‌ له‌ كوردستان بۆچی ده‌گه‌ڕێته‌وه‌؟.

    ئه‌ڤین عه‌زیز: ئه‌وه‌ی راستی بێت مه‌سه‌له‌ی مۆراڵ له‌ كوردستاندا كه‌وتۆته‌ پارادۆكسێكی گه‌وره‌وه‌، له‌لایه‌ك مینبه‌ری مزگه‌وته‌كانمان لێ هان ده‌ده‌ن له‌سه‌ر چه‌مكێكی وه‌ك “جه‌نده‌ر” و مه‌لاكان ده‌بنه‌ ده‌مڕاستمان، ته‌نانه‌ت چۆن له‌ ته‌والێت میز بكه‌ین، له‌لایه‌كی دیكه‌یشه‌وه‌ مه‌سوله‌كان له‌ رێی كۆمپانیاكانه‌وه‌ ئافره‌تی خاوه‌ن ناسنامه‌ی نه‌ته‌وه‌یه‌كی دی ده‌هێنن بۆ خۆیان و هاوڕه‌گه‌زه‌كانیان بۆ دامركاندنه‌وه‌ی ئاره‌زووه‌كانی گونیان. كێشه‌ لێره‌دا ئه‌وه‌یه‌ ده‌سه‌ڵاتدارانی كورد ئینكاریی له‌ شتێك ده‌كه‌ن ئه‌ویش ئه‌وه‌یه‌ ئه‌گه‌ر له‌شی ئافره‌تی سه‌ر به‌ نه‌ته‌وه‌كانی دی بكڕن ئاساییه‌ به‌ڵام ئه‌و ئافره‌تانه‌ كورد نه‌بن كه‌ خۆیان ده‌فرۆشن. سانایی لێره‌دایه‌ كه‌ نازانن ئه‌و ئافره‌ته‌ كوردانه‌ی له‌شفرۆشن به‌ ره‌سمی ده‌چنه‌ ده‌ره‌وه‌ی كوردستان وه‌ك ئێران و توركیا و وڵاته‌ عه‌ره‌بییه‌كانی ده‌وروبه‌ر. له‌ناو رای گشتی كوردییدا ئینكاریی له‌ ئافره‌تی له‌شفرۆشی كورد ده‌كرێ چوونكه‌ ده‌بێته‌ سوكایه‌تی بۆ نه‌ته‌وه‌كه‌یان. له‌ كورددا له‌شفرۆش نییه‌ به‌ڵام له‌شكڕه‌كان هه‌موویان پیاوی كوردی ماقوڵن، مه‌سولن، رۆشنبیرن، سیاسین و هێتد، ته‌نانه‌ت ره‌نگه‌ هه‌ندێ له‌م پیاوانه‌ نوێژكه‌ریش بن.

    بۆیه‌ من ده‌ڵێـم كۆمه‌ڵگای ئێمه‌ كۆمه‌ڵگایه‌كی فه‌لۆسه‌نته‌ریستیسكه‌ كه‌ به‌مانای چووكی “زه‌كه‌ر”ی پیاو سه‌نته‌ره‌ و سه‌رتاپای كایه‌كانی دی به‌ ده‌ووریدا ده‌سوڕێته‌وه‌ به‌ بوونی ئافره‌تیشه‌وه‌. فه‌لۆكراتیزم یه‌كێكه‌ له‌ پاشماوه‌ی ئه‌و قۆناغه‌ی داگیركردنی ئافره‌تی له‌لایه‌ن پیاوه‌وه‌ پیا تێپه‌ڕیووه‌، له‌م قۆناغه‌دا بوو پیاو ده‌ستی كرد به‌وه‌ی چووكی خۆی بكاته‌ ئامڕازی چه‌وساندنه‌وه‌ی ئافره‌تان له‌ كۆمه‌ڵگادا. پاشماوه‌ی ئه‌م قۆناغی به‌ روونی له‌ كۆمه‌ڵگای ئێمه‌دا ده‌بینرێ. ئێستا له‌ كۆمه‌ڵگای كوردیدا چووك “زه‌كه‌ر”ی پیاو هۆكاری چه‌وساندنه‌وه‌ی ئافره‌تانه‌. ئافره‌ت له‌ سێكسدا به‌رده‌وام دۆڕاوه‌، ئه‌وه‌ پیاوه‌ كه‌ هه‌موو شتێ له‌ ئافره‌ت ده‌كات و ئافره‌ت وه‌ك كاڵا سه‌رفی پرۆسه‌ی سێكسی پیاو ده‌كرێ، سه‌یری جنێوه‌كانی پیاوان بكه‌ له‌ كۆمه‌ڵگای ئێمه‌دا هه‌میشه‌ له‌ چووكی خۆیانه‌وه‌ ده‌ست پێده‌كه‌ن بۆ زێی دایك و خوشك و هاوسه‌ری یه‌ك. چوونكه‌ هه‌بوونی چووك لای پیاوان ره‌مزی شانازییه‌، به‌ڵام ئه‌وان ئه‌وه‌یان بیر چووه‌ زۆرێك له‌ ئاژه‌ڵانی تریش هه‌یه‌ وه‌ك ئه‌وان خاوه‌نی چووك بێ. ئه‌وه‌ی ئێمه‌ و ئاژه‌ڵ له‌یه‌ك جیا ده‌كاته‌وه‌ ئاوه‌زه‌، چۆن مرۆڤ به‌م هه‌موو عه‌قڵه‌وه‌ ده‌توانێ چووكی خۆی بكاته‌ سه‌نته‌ری هه‌موو شتێ تا ئه‌و رادده‌یه‌ی كه‌ له‌شی مرۆڤه‌ نه‌داره‌كانی وه‌ك ئافره‌تی بۆ بكڕن.

    یه‌كێك له‌ هۆكاره‌كانی په‌یدابوونی له‌شفرۆشی له‌كوردستاندا هه‌ر ئه‌م روانگه‌ی “فه‌لۆسه‌نته‌ریستیسكه‌” كه‌ چووكی (زه‌كه‌ر) پیاو سه‌نته‌ری هه‌موو شتێكه‌. ده‌مه‌وێ بڵێم به‌شێك له‌ سیستمی ئابووری و سیاسیی و بوونی ئافره‌تیش ده‌خرێته‌ خزمه‌تی گونی پیاو. ئه‌وه‌ی له‌ كوردستاندا رووده‌دات به‌ته‌واوی دژ به‌ پره‌نسیپی مافه‌كانی مرۆڤه‌ و به‌تایبه‌تیش ئافره‌ت، چوونكه‌ له‌و پرۆسه‌یه‌دا ئه‌وه‌ی خاوه‌نی پاره‌ و ده‌سه‌ڵاته‌ كه‌ پیاوه‌ ئازاد ده‌كرێ و ته‌نیا قوربانییه‌كه‌ كه‌ ئافره‌ته‌ سزا ده‌درێ، ئه‌مه‌ش ناچێته‌ عه‌قڵه‌وه‌ چۆن یاساش له‌پشتی پیاوه‌. من له‌ سوێد ده‌ژیم له‌م وڵاته‌دا كه‌ ئازادیی بۆ هه‌موو جۆره‌ په‌یوه‌ندییه‌ك هه‌یه‌ به‌ڵام له‌شفرۆشی به‌ شێوه‌یه‌كی یاسایی قه‌ده‌غه‌یه‌ و هه‌ر پیاوێك له‌شی هه‌ر ئافره‌تێ بكڕێ به‌ توندیی سزایی یاسایی ده‌درێ و غه‌رامه‌ ده‌كرێ، چوونكه‌ ئافره‌ت به‌هۆی هه‌لومه‌رجێكی ناله‌باره‌وه‌ ئه‌و كاره‌ ده‌كات وه‌ك نه‌بوونی ده‌رامه‌ت و كار. با ده‌سه‌ڵاتی كوردیی سزای یاسایی ئه‌و پیاوانه‌ بده‌ن كه‌ له‌ش ده‌كڕن نه‌ك سزای قوربانییه‌كان بدات كه‌ ئافره‌ته‌. پاره‌و ده‌سه‌ڵات لای پیاوه‌ ناكرێ ئافره‌ت سزا بدرێ و هه‌ر جاره‌ی به‌ گوولله‌یه‌ك بكوژرێ.

    شه‌پۆل: تا هه‌نووكه‌ ئافره‌تی كورد رووبه‌ڕووی ته‌نگ پێهه‌ڵچنینی سێكسیی ده‌بێته‌وه‌. بۆچوونێك هه‌یه‌ پێیوایه‌ ئه‌مه‌ بۆ لاوازیی كه‌سێتی ئافره‌تی كورد ده‌گه‌ڕێته‌وه‌. تۆ له‌ مباره‌وه‌ چ را و سه‌رنجێكت هه‌یه‌؟.

    ئه‌ڤین عه‌زیز: ئه‌و ته‌نگپێهه‌ڵچنینه‌ی به‌ ئافره‌تان ده‌كرێ هیچ په‌یوه‌ندیی به‌ لاوازی سێكسی ئافره‌تانه‌وه‌ نییه‌، به‌ڵكو ئه‌و بۆچوونانه‌ن له‌ كۆمه‌ڵگادا هه‌ن سه‌باره‌ت به‌ پیاو و ئافره‌ت، پیاو په‌لامارده‌ر و ئافره‌تیش نێچیر. من ئه‌مه‌ به‌ سوكایه‌تی و ده‌ستدرێژیی گه‌وره‌ی ده‌بینم بۆ سه‌ر ئافره‌تان. چوونكه‌ پیاو له‌م رێگه‌یه‌وه‌ ئافره‌ت رووت ده‌كاته‌وه‌ له‌ هه‌موو به‌هایه‌كی مرۆڤانه‌ و وه‌ك كاڵایه‌كی رووتی سێكسی ده‌یبینێ. من له‌ دوا سه‌فه‌رمدا بۆ نیشتیمان هه‌ستم كرد نیشتمان له‌سایه‌ی حكومڕانی خۆماڵیدا پڕیه‌تی له‌ سوكایه‌تی و ئیهانه‌كردنی ئافره‌تان له‌سه‌ر جاده‌كانه‌وه‌ بیگره‌ تا ده‌گاته‌ ئه‌وپه‌ڕی لوتكه‌ی ده‌سه‌ڵاتی سیاسیی. نیشتیمانی ئێمه‌ جه‌هه‌نده‌مێكی گه‌وره‌یه‌ بۆ ئافره‌تان و ناشزانم كه‌ی ئافره‌تی كورد له‌ناو ئه‌م جه‌هه‌نده‌مه‌دا به‌ئاگا دێ؟.

    تێبینی: ئه‌م دیمانه‌یه‌ له‌ ژماره‌ “5″ گۆڤاری “شه‌پۆل” له‌ رۆژی 1-1-2012 بڵاوبۆته‌وه‌

  • بنێره‌ بۆ فه‌یس بوک

  •    ئه‌م بابه‌ته‌ 42,969 جار خوێنراوه‌ته‌وه‌

    7 سه‌رنج له‌سه‌ر ئەڤین : ئافرەتی کورد نازانن رەحەت ببن نوسراوه‌

    1. Ranj Xaled on 21/05/12 at 4:30 AM

      ae bo nayaet mn ra7atet bkam qa7pa.

    2. Masud Hawler on 20/05/12 at 8:05 AM

      bariz aven xan awe tanha lae ma we nea balkw la zorbae wlatanename waea hoea kash bazore afrat zoeate ba taebat dabo naret…..

    3. Alan Hussein on 7/04/12 at 11:54 AM

      mashala law bawko kora.

    4. Hamid Hama Said on 25/03/12 at 12:56 AM

      brwa go bxa la swed gan adat boya balayawa xoshe 7eze wa.

    5. Raed Masued on 22/03/12 at 5:42 PM

      hhhhhhhhhhhhhhhh

    6. Nzar Ahmed on 22/03/12 at 3:55 PM

      dast xosh,barasti qsakani tawawa!!!!!!

    7. Raed Masued on 22/03/12 at 12:42 AM

      basaqaiiiiiiii aw damatbm gwli bamiyyyyyyyyyyyyy <3<3.

    ئاگاداری گرنگ :تکایه‌ سه‌رنجێک مه‌نوسه‌ که‌له‌گه‌ڵ ڕه‌وشتی گه‌له‌که‌مان ناگونجێت ئه‌م سه‌رنجانه‌ پاش پیاچوونه‌وه ‌ بڵاوده‌کرێنه‌وه‌. بۆیه‌ خۆت ماندوو مه‌که‌ له‌نوسینی سه‌رنجی بێمانا. تا ئێمه‌ش ڕێگه‌ی سه‌رنج نوسین دانه‌خه‌ین.

    New Page 1

    لێرە کلیک بکەن بۆ نووسین بە کوردی سۆرانی

    سه‌رنج بنوسه‌

    ئیمه‌یڵه‌که‌ت که‌س نایبینێ

    Protected by WP Anti Spam

    میوانی سەرهێڵ

    0 میوان له‌سه‌ر هێڵه‌
    ................................. سه‌ردانه‌کان ژماره‌ی سه‌ردان

    گه‌ڕان له‌م ماڵپه‌ڕه‌

    کەش و هەوا

    درامای پەتریپوت

    ماڵپەڕی خۆشی

    ناوی منداڵان

    نرخی دراوه‌کان

    گۆرانی عه‌ره‌بی

    Archives

    New Page 1

     

    کلیکی ئێرە بکە زەرەر ناکەیت دواتر لایکی بکە و سەدان بابەتی هەمەرەنگ ببینن

    New Page 1
    New Page 1
    New Page 1
    NRT ناوخۆ پەیامنێر خەندان سبەی هاوڵاتی ئاوێنە
        سڤیل کوردیۆ لڤین PUK-MEDIA SNN