له‌شفرۆشه‌کانی هه‌ولێر چ باسه‌

30/10/10
  • بنێره‌ بۆ فه‌یس بوک

  •    ئه‌م بابه‌ته‌ 69,845 جار خوێنراوه‌ته‌وه‌

    ۆیئۆئۆ
    سەرۆك باندێكی لەشفرۆشی ناوشاری هەولێر، كە ماوەی 6 ساڵە لەشفرۆشی پیشەیەتی، ئاماژە بەوە دەكات، كە گەنجانی هەولێر بەلێشاو
    روویان تێدەكەن، لەبەرامبەردا بەڕێوەبەری پۆلیسی هەولێر، رایدەگەیەنێت كە لەهەر شوێنێك، گومانی لەشفرۆشی بكرێت، ئەوان بەپێی یاسا دەستكراوەن و ئەو شوێنە دادەخەن.
    بەپێی ئامارەكان، دیاردەی لەشفرۆشی لەسەرتاسەری جیهان رۆژ بەرۆژ لەزیادبووندایە و زۆرجاریش ئەو كەسانەی كە لەشفرۆشیان كردووە بەپیشە، لەلایەن رێكخراوەكانی تیرۆرستی و دەزگا سیخوڕییەكان بەمەبەستی كارپێكردنیان بەكاردەهێندرێن، وەك ئەوەی لەم دواییەدا رێكخراوی تیرۆرستی قاعیدە لەعێراق كۆمەڵێك ئافرەتی لەشفرۆشی بۆ كاری تیرۆرستی بەكارهێنا. لەكوردستانیش بەگشتی و شاری هەولێر بەتایبەتی، كەم تا زۆر دیاردەی لەشفرۆشی بوونی هەیە و دەگوترێ ماوەیەكە دیاردەی لەشفرۆشی لەشاری هەولێر لەزیادبووندایە، بەڵام بەڕێوەبەری پۆلیسی پارێزگای هەولێر رەتیدەكاتەوە، كە ئەو دیاردەیە زیادی كردبێت و رایدەگەیەنێت كە “هەولێر بەپێی دابونەریتی كوردەواری، شارێكی پاكوخاوێنە و دوورە لەم كارانە”، هاوكات لەبەدواداچوونێكی، دەركەوتووە كە ئێستا چەند باندێكی لەشفرۆشی لەهەولێر بوونیان هەیە و بەگوتەی یەكێك لەسەرۆك باندەكانیش كە ژنێكی بەڕەگەز كوردە، گەنجانی هەولێر “بەلێشاو” روویان تێدەكەن.
    كانیاو، نازناوی ژنە كوردێكی تەمەن 35 ساڵی دانیشتوی هەولێرە. ئەو ژنە، سەرۆكی یەكێك لەو باندانەیە كە ماوەی 6 ساڵە لەهەولێر كاری لەشفرۆشی دەكات و بۆ ( سڤیل) باس لەوە دەكات، كە لەكاتی كچێتیدا و لەماڵی باوكی دەستی بەو كارە كردووە. وەكو ئاماژەی پێدا، دوای شووكردنی بۆ ماوەیەكی كورت وازی لێ هێناوە، بەڵام دواتر دەستی پێكردۆتەوە و پاش ئاشكرابوونیشی لەلایەن مێردەكەیەوە، تەڵاقدراوە. كانیاو كە زۆر بەبێ منەتی دەدوا، هێمای بۆ ئەوەشكرد كە پاش تەڵاقدانی لەلایەن مێردەكەیەوە، ماڵی باوكی وەریناگرنەوە، بۆیە تا “سەرگەردان” نەبێت، رووی كردۆتە پیشە بەردەوامەكەی كە كاری لەشفرۆشییە و بۆتە سەرۆكی باندێكی چوار كەسی، كە كاریان هێنانی لەشفرۆشی خۆماڵی و عەرەبە، بەتایبەت لەشارەكانی خواروو و ناوەڕاستی عێراق”، ئەو ژنە دەڵێت “رۆژانە ژمارەیەكی زۆر لەخەڵك روومان تێدەكەن، لەهەموو تەمەن و چین و توێژەكان، بەتایبەتی گەنجانی هەولێر بەلێشاو روومان تێدەكەن و ئێمەش هەموو جۆرە ئافرەتێك ناهێنین و تەنها لەتەمەنی 13 تا 25 ساڵانمان لادەست دەكەوێت”. ئەو ژنە لەشفرۆشە، ئەوەشی خستەسەر قسەكانی كە جگە لەو ئافرەتە كوردانەی كە ئەوكارە دەكەن، زۆربەی ژنە لەشفرۆشەكانی دیكە لەشارەكانی بەغدا و موسڵ دهێنین. دەڵێت “زۆریش لای خۆمان ڕایانناگرین، جاربەجار بۆ گەرمكردنی بازاڕی خۆمان، ژنەلەشفرۆشی تازە دەهێنین”، كانیاو، گوتیشی “ئەو ژنانەی لەشارەكانی ناوەڕاست و خوارووی عێراق، بۆ كاری لەشفرۆشی دێنە هەولێر، سەرەتا ترسیان لەئاشكرابوون و دەستگیركردنیان هەیە، بەڵام دوای ماوەیەك كە دەزانن كوردستان هێمنە، ترسەكەیان دەڕەوێتەوە”.
    ئەو سەرۆك باندەی لەشفرۆشی لەهەولێر، ئەوەشی ئاشكراكرد، كە تاوەكو ئێستا زۆرجار كەوتونەتە داوی هێزە ئەمنییەكان، “بەڵام لەماوەیەكی كورتدا ئازاد دەكرێن و دەگەڕێنەوە سەر پیشەكەیان”، ژنە لەشفرۆشەكان، بە وتەی كانیاو، بەزۆری لەكۆمەڵگا و قەزا و ناحیەكانی دەوروبەری هەولێر خانوو دەگرن، تا هێزەكانی پۆلیس و تەنانەت خەڵكیش گومانیان لێنەكەن. دەشڵێت “لەناو باندەكەمان ئافرەتێكمان لەگەڵدایە سێ منداڵی هەیە و كاری تەنیا بەكرێگرتنی خانووە، چونكە نوسینگەكان خانوو بۆ كرێ نادەنە هەموو كەس، ئێمەش ئەوەمان داناوە تا لەبەر منداڵەكانی خەڵك گومانی كاری وای لێ نەكەن”. گوتیشی “ئێمەش پشتمان هەیە و كاربەدەستی باڵا هەیە كە پشتیگیریمان لێدەكات، لەبەرامبەر ئەوە، ئێمەش ئافرەتیان بۆ دەبەین. لەگەڵ بەشێكی زۆری هۆتێل و مۆتێلەكانی هەولێریش، پەیوەندی باشمان هەیە و ئافرەتی باشیان بۆ دەنێرین، بەڵام كێشەی سەرەكیمان خانووە، چونكە هەر ماوەیەك لەشوێنێك دەبین، زۆربەی جارەكان كە دراوسێكان دەزانن ئێمە لەشفرۆشین، بەخۆیان دەرمان دەكەن، تەنها ئەو شوێنەی زۆر گونجاوە بۆ كاری لەشفرۆشی، شارۆچكە و دێیەكانی دەوروبەری هەولێرن”.
    سەبارەت بەدۆزینەوەی ئافرەتە لەشفرۆشەكان و پەیوەندی پێوەكردنیان، كانیاو دەڵێت “ئەو كچانەی پارەیان پێویستە، ناچارن بێنە لامان، یانیش ئافرەت هەیە وەك خۆم تەڵاقدراوە و ماڵی باوكیشی لەخۆی ناگرێت ناچار دەبێتە لەشفرۆش، ئێمەش لەباند ستافی كارمان هەیە كە یەكێكیان كاری پەیداكردنی شوێنە، یەكێكی دیكە تەنها موشتەری دەهێنێ و ئیتر هەر كەسە و كاری خۆی دەكات، بۆیە ئێستا ئافرەتی لەشفرۆش گەلێك زۆرن و لەهەموو شوێنێكیش بەدەستدەكەون”. لەبارەی كرێی هەر دەرچوونێكی ئەو ئافرەتانە لەگەڵ لەشكڕەكان، وەكو كانیاو گوتی “لە 40 دۆلار دەستپێدەكات تادەگاتە وەرەقەیەك، بەڵام ئەگەر شەو بیبات و لای بخەوێت، نرخەكەی زیاترە و زۆربەشیان 3 وەرەقە بۆ شەوێك خەوتنیان لێ وەردەگرین”. لەبارەی پەشیمانیشی لەوكارەی كە دەیكات، كانیاو ئاماژەی بەوەكرد، كە تا لەژیاندا مابێت لەسەر كاری لەشفرۆشی بەردەوام دەبێت و گوتی “من قوربانیم لەو پێناوە داوە، چۆن وازی لێ دەهێنم!”.
    عەبدولخالق تەلعەت، بەڕێوەبەری پۆلیسی پارێزگای هەولێر، لەبارەی دیاردەی لەشفرۆشی لەهەولێر، گوتی “ناتوانم بڵێم لەشفرۆشی لەهەولێر نییە، بەڵام بەو شێوەیەش نییە، كە لەلایەن هەندێ لەرۆژنامە و خەڵكەوە باس دەكرێت”، دەڵێت “دەبێت ئەو بابەتە زۆر بە یاساییانە مامەڵەی لەگەڵدا بكرێت، ئێمە وەك پۆلیسی هەولێر، بەپێی یاسا كە لەماددەی 4ی لەشفرۆشیدا هاتووە، مامەڵە لەگەڵ ئەو پرسە دەكەین، چونكە وەك لەماددەی 4 هاتووە، ئەگەر هەر شوێنێك تایبەتكرا بەكاری لەشفرۆشی، قەدەغە دەكرێت. ئێمەش لەپۆلیسی هەولێر، ئەگەر بزانین هەر شوێنێك لەناو شاری هەولێر، تایبەتكراوە بۆ كاری لەشفرۆشی و خەڵك هاتوچۆیان دەكات، دەستگیریان دەكەین و شوێنەكە دادەخەین”. عەبدولخالق تەلعەت، گوتیشی “نەوەك لەهەولێر، لەزۆربەی وڵاتانی عەرەبی و ئیسلامی، كاری لەشفرۆشی هەیە، بەڵام لەكوردستان بەگشتی و لەهەولێر بەتایبەت، بەمشێوەیە نییە، چونكە هەولێر بەپێی دابونەریتی كوردەواری، شارێكی پاكوخاوێنە، بۆیە ئەو لەشفرۆشانەی كە لێرەشن، زۆربەیان لەشارەكانی دیكەی عێراقەوە هاتوون”.
    سەبارەت بەچۆنیەتی دەستگیركردنی ئەو باندە لەشفرۆشیانەی ناو شاری هەولێر، بەڕێوەبەری پۆلیسی هەولێر، دەڵێت “بەگوێرەی یاسا دەستگیركردن دەبێت، بەڵام دەبێت بەبڕیاری دادوەر بێت و سكاڵا تۆمار بكرێت، كە ئەمەش زۆرجار بۆتە گرفت لەهەمبەر كارەكانی پۆلیس، چونكە زۆرجار زانیاریمان بۆ دێت، كە چەند ئافرەتێك لەفڵان ماڵن و كاری لەشفرۆشی دەكەن، بەڵام كە دەچینە ماڵەكە دەبینین ئەو ئافرەتانە ئیقامەیان هەیە و میوانی ئەو ماڵەن”. رەتیشی كردەوە، كە لەكاتی دەستگیركردنی ئافرەتە لەشفرۆشەكان، دواتر ئازاد بكرێن “هەر لەشفرۆشێك ئەگەر بەپێی یاسا دەستگیر بكرێت، رەوانەی بەردەم دادگا دەكرێت، پێشتریش چەند كەسێكمان دەستگیر كردووە و تائێستاش وا لەگرتوخانە دان
    قائید میرۆ مزووری”.

  • بنێره‌ بۆ فه‌یس بوک

  •    ئه‌م بابه‌ته‌ 69,845 جار خوێنراوه‌ته‌وه‌

    سه‌رنج نوسین داخراوه‌.

    ئاگاداری گرنگ :تکایه‌ سه‌رنجێک مه‌نوسه‌ که‌له‌گه‌ڵ ڕه‌وشتی گه‌له‌که‌مان ناگونجێت ئه‌م سه‌رنجانه‌ پاش پیاچوونه‌وه ‌ بڵاوده‌کرێنه‌وه‌. بۆیه‌ خۆت ماندوو مه‌که‌ له‌نوسینی سه‌رنجی بێمانا. تا ئێمه‌ش ڕێگه‌ی سه‌رنج نوسین دانه‌خه‌ین.

    New Page 1

    لێرە کلیک بکەن بۆ نووسین بە کوردی سۆرانی

    میوانی سەرهێڵ

    0 میوان له‌سه‌ر هێڵه‌
    ................................. سه‌ردانه‌کان ژماره‌ی سه‌ردان

    گه‌ڕان له‌م ماڵپه‌ڕه‌

    کەش و هەوا

    درامای پەتریپوت

    ماڵپەڕی خۆشی

    ناوی منداڵان

    نرخی دراوه‌کان

    گۆرانی عه‌ره‌بی

    Archives

    New Page 1

     

    کلیکی ئێرە بکە زەرەر ناکەیت دواتر لایکی بکە و سەدان بابەتی هەمەرەنگ ببینن

    New Page 1
    New Page 1
    New Page 1
    NRT ناوخۆ پەیامنێر خەندان سبەی هاوڵاتی ئاوێنە
        سڤیل کوردیۆ لڤین PUK-MEDIA SNN