xml feed

ماڵێكی لەشفرۆشی دەكرێتە كەمپی پەنابەران

5/07/12
  • بنێره‌ بۆ فه‌یس بوک

  •    ئه‌م بابه‌ته‌ 8,630 جار خوێنراوه‌ته‌وه‌

    lhjlhjl
    لە گوندێكی نزیك شاری ڤیەننای پایتەختی نەمسا، 20 پەنابەر لە “شوێنێكی تایبەت” نیشتەجێكراون. ئەو باڵەخانەیەش پێشتر شوێنی لەشفرۆشی بووە. چەند پەنابەرێكی كوردیش لەنێو “میوانە نوێیەكان”ی ئەو ماڵەدان . ئەو پەناخوازانە گلەیی لە خەڵكی گوندەكە دەكەن و دەڵێن پارەیان لێدەخۆن.

    لە باشووری شاری ڤیەننا گوندێك هەیە بەناوی Sieggraben ،بەپێی راپۆرتی رۆژنامەی (كوریر)ی نەمسایی لەو گوندەدا باڕێك هەبووە بەناوی (مەدام باڕ) و وەك ماڵێك بۆ كاری لەشفرۆشی بەكارهاتووە. دوای ئەوە لە ساڵانی رابردوودا ژمارەی “میوانان”ی مەدام باڕ روویان لە كەمیكرد، ئیدی وردە وردە چۆڵبوو و ناچار داخرا. دوای ماوەیەك بەرپرسانی دەزگای كاروباری پەنابەرانی نەمسا بڕیاردەدەن “ماڵەكە” بە شێوازێكی تایبەت ئاوەدانبكەنەوە.

    چەند ساڵێكە بەردەوام 20 پەنابەری تێدا نیشتەجێدەكەن، بەبێ ئەوەی باڵەخانەكە نۆژەن بكەنەوە.

    عەلی گەنجێكی كوردە و لەو “كەمپە”دا دەژیت. ئەو دەڵێ “ئەو ماڵە كاولبووەی تێیدا دەژین، نە ئاودەستێكی خاوێنی هەیە، نە پەنجەرەكانی تەواون، نە سۆبەی تێدایە. تاكە شتێك كە هەمانە سینییەكە كە 20 كەس نانی لەسەر دەخۆن”. شێوازی نانخواردنی ئەو پەناخوازانەش شێوازێكی جیاوازە لەهەر كەمپێكی دیكە كە لە ئەوروپا هەیە “هەر بەیانییەك خێزانێكی نەمسایی دێت و بڕێك خواردنمان بۆ دەهێنێ. كەمێك گۆشتی تێدایە، نانێكی زۆری لەگەڵە، ئاو و كۆلاش دەهێنن، بەڵام چا و قاوەی لەگەڵ نییە”. بەپێی راپۆرتی رۆژنامە نەمساوییەكە حكومەتی نەمسا لەگەڵ خەڵكی گوندەكە پێكهاتووە بۆ ئەوەی ئاگایان لەو 20 پەناخوازە بێت. لەبەرامبەر ئەمەشدا رۆژانە بۆ هەر پەناخوازێك 15 یۆرۆ دانراوە كە حكومەت دەیداتە ئەو گوندە بۆئەوەی خواردن و كەرەستەی دیكەیان بۆ پێبكڕن. رۆژنامەكە گریمانەی ئەوە دەكات كە خەڵكی گوندەكە هەوڵدەدەن بڕێكی زۆر لەو پارەیە گلدەنەوە و لە پەنابەرانیان خەرج نەكەن.

    رێكخراوە خێرخوازییەكانی نەمسا نیگەرانن بەو رەوشە و داوایان كردووە حكومەت هەڵوێستی هەبێت. رێكخراوەكانی كاریتاس و دیاكۆنیا دەڵێن زۆر جار حكومەتیان ئاگاداركردووەتەوە، بەڵام وەڵامەكان درەنگ دەدرێنەوە. قایمقامی ئەو ناوچەیەی گوندەكەشی تێدایە رەتیدەكاتەوە كە كەموكوڕی هەبن. پێتەر رێزار دەڵێ “كاتێك ئێمە رەوشەكەمان كۆنترۆڵ كردووە هیچ حاڵەتێكی نائاساییمان نەبینیوە، بەڵام ئێمە جارێكی دیكەش كۆنترۆڵی دەكەینەوە و ئەگەر پێشێلكاری كرابن، گرێبەستەكەمان لەگەڵ خەڵكی گوندەكەدا كۆتایی پێدەهێنین.”

  • بنێره‌ بۆ فه‌یس بوک

  •    ئه‌م بابه‌ته‌ 8,630 جار خوێنراوه‌ته‌وه‌

    ئاگاداری گرنگ :تکایه‌ سه‌رنجێک مه‌نوسه‌ که‌له‌گه‌ڵ ڕه‌وشتی گه‌له‌که‌مان ناگونجێت ئه‌م سه‌رنجانه‌ پاش پیاچوونه‌وه ‌ بڵاوده‌کرێنه‌وه‌. بۆیه‌ خۆت ماندوو مه‌که‌ له‌نوسینی سه‌رنجی بێمانا. تا ئێمه‌ش ڕێگه‌ی سه‌رنج نوسین دانه‌خه‌ین.

    New Page 1

    لێرە کلیک بکەن بۆ نووسین بە کوردی سۆرانی

    سه‌رنج بنوسه‌

    ئیمه‌یڵه‌که‌ت که‌س نایبینێ

    Protected by WP Anti Spam

    میوانی سەرهێڵ

    0 میوان له‌سه‌ر هێڵه‌
    ................................. سه‌ردانه‌کان ژماره‌ی سه‌ردان

    گه‌ڕان له‌م ماڵپه‌ڕه‌

    کەش و هەوا

    درامای پەتریپوت

    ماڵپەڕی خۆشی

    ناوی منداڵان

    نرخی دراوه‌کان

    گۆرانی عه‌ره‌بی

    Archives

    New Page 1
    New Page 1
    New Page 1
    NRT ناوخۆ پەیامنێر خەندان سبەی هاوڵاتی ئاوێنە
        سڤیل کوردیۆ لڤین PUK-MEDIA SNN