كچانی كوردستان دەكەونە داوی دزێكی مۆدێل نوێ

2/12/10
  • بنێره‌ بۆ فه‌یس بوک

  •    ئه‌م بابه‌ته‌ 11,166 جار خوێنراوه‌ته‌وه‌

    k'k'[
    گەنجێك لە شاری هەولێر بەناوی هاوسەرگیرییەوە پارە لە چەند كچێك وەردەگرێ و دواتر خۆیان لێ دەشارێتەوە، هەموو ئەو كچانەی فێڵیان لێكراوە دەوڵەمەند بوون، تەنانەت یەكێك لەو كچانەی فێڵی لێكراوە مامۆستایەكی زانكۆ بووەو 35 مسقاڵ زێڕ و 20 میسقاڵ زیو و لاپتۆپێكی داوەتە كوڕەكە.
    عەمید عەبدولخالق تەلعەت بەڕێوەبەری پۆلیسی هەولێر، لە كۆنگرەیەكی رۆژنامەوانیدا باسی لە گرتنی چەند تۆمەتبارێك كرد لەسەر كاری كوشتن و دزین و فێڵكردن لە خەڵك. یەكێك لەوانە بۆ پۆلیس دانی بەوەداناوە كە چەند كچێكی بەناوی خواستنەوە هەڵخەڵەتاندووە، عەمید عەبدولخالق لەو بارەوە گوتی “ئەو تاوانبارە لە رێگەی مۆبایل پەیوەندی لەگەڵ چەند ئافرەتێك بەستووە، وای پیشانداوە كە دەچێتە داخوازییان، ژمارەی مۆبایلی باوك و برای كچەكەیشی وەرگرتووە، لەگەڵ چەند ئافرەتێك وای پیشانداوە كە ئیمكانیەتی نییە، ئەگینا ئامادەیە بیانخوازێ و زێڕیان بۆ بكڕێت”.
    ئەو گەنجە كە ناوی (هەندرێن. ع.م)ە، پەیوەندی لەگەڵ هەر كچێك هەبووە، بە جیدی قسەی كردووە، نەیهێشتووە كچەكە هیچ گومانێكی لێ بكات. وەك عەمید عەبدولخالق باسیكرد، دوای ئەوەی كچەكانی بۆ ماوەیەك هەڵخەڵەتاندووە، داوای لێكردوون كە بڕە پارەیەكی بدەنێ، تا خۆی ئامادە بكات بۆ داخوازی “چەندین ئافرەتی وا هەڵخەڵەتاندووە و ئینجا پارەو زێڕەكەی بردوون، نەچووەتە داخوازی كەسیشیان”. هەروەها گوتی “بەخۆی لەگەڵ ئافرەتەكان و كەسوكاریان دانیشتووەو پاشان خۆی ون كردووە”.
    بەپێی ئەو زانیاریانەی دەست (رووداو) كەوتوون هەندرێن خەڵكی سلێمانییە و لە ماڵی برایەكی دەژیا لە هەولێر. دوای ئەوەی فێڵی لە چەند كچێكی سلێمانی كردووە، هاتووەتە هەولێر و لە ماڵی برایەكی ژیاوە لە هەولێر، تائێستا تەنیا دانی بە 3 فێڵ داناوە، تەنانەت رۆژێك دوای كۆنگرە رۆژنامەوانییەكە لە رۆژی 3/11/2010، كچێك لە سلێمانییەوە بە تەلەفۆن پەیوەندی بە پۆلیسی هەولێرەوە كردووەو گوتوویەتی، هەندرێن هەمان سیناریۆی لەگەڵ ئەویش كردووە. بەپێی قسەی سەرچاوەیەك ئەو كچانەی كە هەندرێن هەڵیخەڵەتاندوون هەموویان دەوڵەمەندبوون.
    نەقیب ژیلەمۆ عەبدولقادر بەڕێوەبەری بەدواداچوونی تووندوتیژی دژ بە ئافرەتان لە هەولێر، باسی چۆنیەتی ئاشكرابوونی فێڵەكانی ئەو گەنجەی كرد و گوتی سەرەتا كچە مامۆستایەكی زانكۆی سەلاحەددین چووەتە بنكەیەكی پۆلیس و سكاڵای لەسەر تۆماركردووە “هەندرێن بەناوی خوازاراو خۆی بە كچان ناساندووە، بەناوی زەواجكردن 35 مسقاڵ زێڕ و 20 مسقاڵ زیو و لاپتۆپێكی جۆری HP لەو مامۆستایەی زانكۆ وەرگرتووە، پاشان خۆی لێ ونكردووە”.
    دوای بەدواداچوونی پۆلیس، رۆژی 20/10/2010 ئەو كوڕە دەستگیركرا و دانی بەوەداناوە كە فێڵی لە سێ كچ كردووە و تائێستا تەنیا دوو كچ سكاڵایان لە دژی تۆمار كردووە، كە مامۆستاكەی زانكۆ و كچێكی فەرمانبەرە، كە زێڕ و پارەی لەویش وەرگرتووە. نەقیب ژیلەمۆ گوتی “كچە فەرمانبەرەكە نزیكەی 2 هەزار دۆلاری داوەتێ لەگەڵ بڕێك زێڕ، بەپێی دانپێدانانی هەندرێن فێڵی لە كچێكی دیكەش كردووە، بەڵام كچەكە كە ئەویش فەرمانبەر بووە ئامادە نەبووە پارەی بداتێ”.
    نەقیب ژیلەمۆ دەڵێت هەندرێن فێڵی لە كچی دیكەش كردووە، بەڵام هێشتا وردەكارییەكانی بە تەواوی نازانن، چونكە كچەكان لەبەر شەرم و نێوبانگی خۆیان ئامادە نین سكاڵا تۆمار بكەن “پۆلیس پەیوەندی بەو كچانەوە كردووە، بەڵام ئەوانە ئامادە نین سكاڵا تۆمار بكەن، هەندرێن بەناوی هاوسەرگیری ئەو فێڵانەی كردووە، تەنانەت خۆی بە كەسایەتییەكی گەورە پێیان ناساندووە”.
    ئێستا هەندرێن بەپێی مادەی 456ی یاسای سزادانی عێراقی دەستگیركراوە كە تایبەتە بە ساختەكاری، حوكمەكەی تەنیا زیندانیكردنە. دادوەر دەتوانێت بۆ 3 مانگ تاوەكو 5 ساڵ زیندانی بكات و دەبێ قەرەبووی زیانلێكەوتووانیش بداتەوە.
    عەمید عەبدولخالق لە كۆنگرە رۆژنامەوانییەكەیدا لەڕۆژی 2/11/2010 باسی لە فێڵێكی دیكە كرد كە دوو پێشمەرگە بەناوی (س.ق.ئ) و (ل.ج.ئ)، شەوانە یەخەی ئەو عەرەبانەیان گرتوووە كە بۆ كاركردن لەسەر شەقامەكان دەوەستن “بەناوی ئاسایش و پۆلیس ناسنامە و مۆبایلیان لێ وەرگرتوون و گوتوویانە بەیانی وەرنە ئاسایش دەتاندەینەوە، زیاتر لە 44 مۆبایلیان بەوجۆرە لەو عەرەبانە وەرگرتووە، عەرەبەكان كە بەیانی چوونەتە ئاسایش، ئاسایش بێ ئاگایی خۆی لەوە پیشانداوەو چونكە تائێستا كەس داوای شتی وای نەكردووە، دواتر هەردوو تۆمەتبارەكە دەستگیر كران”.
    بەڕێوەبەری پۆلیسی هەولێر باسی لە دوو دز كرد كە خەڵكی قەڵادزێن و لە عەنكاوە دزیان لە 9 ماڵ كردووەو ئێستا دەستگیر كراون. دزێكی دیكەش بەناوی ف.ع.ح 28ساڵ، لە گەڕەكی هەڤاڵان و بەختیاری و ئەندازایارانی هەولێر دزی كردووە، ئەویش 9دزی كردبوو، كەسێكی دیكە بەناوی ب.ح.ع كە پێشتر 9دزی كردبوو لە عەنكاوە، بەڵام بە كەفالەت ئازادكرابوو، دوای بەربوونی لە هەمان شارۆچكە 5دزی دیكەی كردبوو، عەمید عەبدولخالق گوتی “كەواتە 14دزی كردووە، ئەو سزاكەی تووندتر دەبێت”.
    بەڕێوەبەری پۆلیسی هەولێر ئاماژەی بە گرتنی 3 كەسی دیكەدا، كە ئەندامانی خێزانی خۆیان كوشتووە لەوانەش یەكێكیان بەناوی فازڵ سەعید 48 ساڵ، كە رۆژی 30/8/2010 ژنی خۆی كوشتبوو لە گەڕەكی برایەتی هەولێر. هەروەها عومەر حوسێن 56ساڵ، كە رۆژی 6/9/2010 لە گەڕەكی تەیراوەی هەولێر كوڕێكی خۆی كوشتبوو. ئەوەی دیكەش سەرهەنگ حەمید بوو كە رۆژی 1/10/2010 لە گوندی گردجوتیاری نزیك هەولێر دوو خوشك و برایەك و دایكی خۆی كوشت.
    سەرهەنگ كە قوتابی پۆلی 12ی بنەڕەتی بوو، بەهۆی كێشەیەكی كۆمەڵایەتییەوە، 4 كەسی خێزانەكەی كوشت، عەمید عەبدولخالق گوتی “هەر سێ كوشتنەكە پەیوەندییان بە كێشەی ژنانەوە هەبوو”.

  • بنێره‌ بۆ فه‌یس بوک

  •    ئه‌م بابه‌ته‌ 11,166 جار خوێنراوه‌ته‌وه‌

    سه‌رنج نوسین داخراوه‌.

    ئاگاداری گرنگ :تکایه‌ سه‌رنجێک مه‌نوسه‌ که‌له‌گه‌ڵ ڕه‌وشتی گه‌له‌که‌مان ناگونجێت ئه‌م سه‌رنجانه‌ پاش پیاچوونه‌وه ‌ بڵاوده‌کرێنه‌وه‌. بۆیه‌ خۆت ماندوو مه‌که‌ له‌نوسینی سه‌رنجی بێمانا. تا ئێمه‌ش ڕێگه‌ی سه‌رنج نوسین دانه‌خه‌ین.

    New Page 1

    لێرە کلیک بکەن بۆ نووسین بە کوردی سۆرانی

    میوانی سەرهێڵ

    0 میوان له‌سه‌ر هێڵه‌
    ................................. سه‌ردانه‌کان ژماره‌ی سه‌ردان

    گه‌ڕان له‌م ماڵپه‌ڕه‌

    کەش و هەوا

    درامای پەتریپوت

    ماڵپەڕی خۆشی

    ناوی منداڵان

    نرخی دراوه‌کان

    گۆرانی عه‌ره‌بی

    Archives

    New Page 1

     

    کلیکی ئێرە بکە زەرەر ناکەیت دواتر لایکی بکە و سەدان بابەتی هەمەرەنگ ببینن

    New Page 1
    New Page 1
    New Page 1
    NRT ناوخۆ پەیامنێر خەندان سبەی هاوڵاتی ئاوێنە
        سڤیل کوردیۆ لڤین PUK-MEDIA SNN