له‌تاو کوشتن شوم به‌ پیرێک کرد

22/01/11
  • بنێره‌ بۆ فه‌یس بوک

  •    ئه‌م بابه‌ته‌ 15,122 جار خوێنراوه‌ته‌وه‌

    gkgkghk
    هەڵەیەك دەرگای دۆزەخ بەڕووی ئەسمای تەمەن 26 ساڵاندا دەكاتەوە. دوای 3 ساڵ خۆشاردنەوە لەنێو یەكێك لەشێڵتەرەكانی ژنان و بەخشینی جگەرگۆشەكەی بەخێزانێك، شوو بە پیاوێك دەكات كە دوو هێندەی تەمەنی ئەوی هەیە. ئەسما ژیانە نهێنییەكەی خۆی تەرخانكردووە بۆ گەورەكردنی كوڕەكەی و هیچی دیكە.
    سێ ساڵ لەمەوبەر ئەسما لە قەزایەكی سەر بەپارێزگای سلێمانی پەیوەندی “خۆشەویستی” لەگەڵ كوڕێك دەبەستێ، ئەو كە ئێستا باجی قورسی ئەو پەیوەندییە دەدات، ناوی دەنێت “پەیوەندییەكی منداڵانە و بێ عەقڵانە”، بەڵام تازە ئیدی ئەم راستی دۆزینەوەیە هیچ لەباری قورسی سەرشانی كەم ناكاتەوە.
    پەیوەندییەكەی ئەسما لەگەڵ ئەو كوڕەی كە پێشمەرگە بووە، سەری كێشاوە بۆ پەیوەندی سێكسی “دووجار پێیگوتم مەترسە، من هەردێمە خوازبێنیت، ئیتر منیش ئەوكات منداڵ و بێ عەقڵ بووم، بە قسەیم كرد”.
    بە تێپەڕینی رۆژان و مانگان، ترس سەرتاپای گیان و دڵی ئەسما دەتەنێتەوە “هەستمكرد سكم بەرز دەبێتەوە، بەدایكم گوت شتێكی ئاوا هەیە، دایكم گوتی هەتا زووە بڕۆ، با براكانت نەتكوژن”، ئەسما بڕیار دەدات بەخۆی و كۆرپەكەی نێو سكییەوە هەڵبێت و روو لەجێگایەك بكات تا لەدەست براكانی رزگاری ببێت “سێ ساڵ لەمەوبەر هاتمە لانەی ئارام”.
    لەماوەی ئەو دووساڵەدا كە ئەسما لەلانەی ئارام بەسەریبردووە، هەمیشە چاوی لەسەر دەرگاكە بووە تا باوكی یان دایكی دەربكەون و هەواڵێكی خۆشیان پێبێت “خۆزگەم دەخواست بێن و بڵێن وەرەوە هیچت لێناكەین”، بەڵام باوكی دووجار تەلەفۆنی بۆ بەرپرسی لانەی ئارام كردووە و پێیگوتووە “نەینێرنەوە، براكانی هەڕەشەی كوشتنی لێدەكەن، هەر هاتەوە یەكسەر دەیكوژن”.
    پاش تەلەفۆنەكانی باوكی، ئیدی خەونی گەڕانەوە بۆ ماڵەوە هیچ مانایەكی نامێنێ “هەر چاوەڕوانی لەدایكبوونی منداڵەكەمم دەكرد، هەرچەندە دەمزانی بەنەگبەتی و دەردەسەری دەژی و گەورە دەبێت، بەڵام كە لە دایكبوو، خێزانێك هاتنە لانەی ئارام و پێمدان تا بیبەن بۆ خۆیان، چونكە منداڵیان نەدەبوو”.
    ئەسما كە تەنیا یەك هەفتە منداڵەكەی لەلا بووە، لەكاتی قسەكانیدا دووجار رای خۆی گۆڕی لەبارەی بیركردن و پەرۆشی بۆ ئەو منداڵەی تا دواجار گوتی “بیری ناكەم”.
    نائومێدبوون لە گەڕانەوە بۆ لای دایك و باوكی، ئەسمای هێنایە سەر ئەو بڕوایەی بیر لە ژیانێكی نوێ بكاتەوە، ئەو چیرۆكی ژیانە نوێیەكەی لەگەڵ پیرە مێردێك كە لەتەمەنی باوكیدایە ئاوا دەگێڕێتەوە “رۆژێك پیاوێكی پیر هاتە لانەی ئارام، گوتی من ژنم نییە و دەمەوێت ژن بهێنم، منیش بڕیارم دا شووی پێبكەم”.
    ئەسما لەتەنیشت پیاوێك ژیان بەسەر دەبات كە خزمەتگوزاری مزگەوتە و بەمووچەیەكی كەم دەژی، ئێستا كوڕێكی لەو پیاوە هەیە و دەیەوێ كوڕەكەی پەروەردە بكات “مێردەكەم زۆر باشە لەگەڵم و هیچ كات باسی رابردووم لەگەڵ ناكات”، هەروەها دەڵێ “راستە زۆر پیرە، بەڵام زۆر باشە لەگەڵم، پارەم دەداتێ تا بچمە بازاڕ و پێویستی بكڕم”.
    تا ئێستا ماڵی باوكی ئەسما نازانن كە ئەو لەلانەی ئارام نەماوە، وەك خۆی دەڵێ “ئەگەر بزانن شووم كردووەتەوە، براكانم دەگەڕێن بەدوامدا تا بمدۆزنەوە و بمكوژن”.
    مامەڵەی كارمەندانی ئەو لانەیە بۆ ئەسما و هاوڕێكانی، بەشێوەیەك مرۆڤ دۆستانە بووە كە هەرگیز لەبیری ناكات و ئێستاش كە شوویكردووە، بەپێی دەرفەت سەردانیان دەكات.
    بەڕێوەبەری لانەی ئارام دەڵێ، ئەسما لەسەر ویستی خۆی بڕیاریداوە شوو بەو پیاوە بكات نەك ئێمە هەوڵماندا بێت لەگەڵی.
    لەیلا عەبدوڵڵا لەبارەی ئەو ژن و كچانەی لە ساڵی 2010دا داڵدەیانداون لەلانەی ئارام دەڵێ “لەماوەی ئەو ساڵەدا 88 ژن هاتوونەتە لامان كە 4یان لەسەر خیانەتی هاوسەری بووە، بەڵام توانیمان كێشەی 83 یان چارەسەر بكەین و بیانگێڕینەوە نێو خێزانەكانیان”.
    ئەو لەبارەی شێوازی رادەستكردنەوەی ئەو ژنانە بەكەسوكاریان گوتی “دەبێت 3 شایەت هەبێت و بەڵێننامە لە دادگا پڕ بكاتەوە، ئەوكات تەسلیمی دەكەینەوە”، هەرچەندە لەیلا عەبدوڵڵا رەتیكردەوە هیچ ژنێك لەوانەی رادەستی كەسوكاریان كراونەتەوە دواتر كوژرابن، بەڵام سەیوان رۆستەم، بەرپرسی راگەیاندنی یەكێتی ژنان دەڵێ “دوو ژن دوای ئەوەی تەسلیم كرانەوە لەلایەن كەسوكاریانەوە كوژران”.
    سەیوان رۆستەم گوتی “كچێكمان لابوو، لەسەر پەیوەندی خۆشەویستی و سكپڕبوونی لەلایەن كەسوكارییەوە هەڕەشەی لێكرابوو، چەند جارێك باوكی هات و گوتی دەیبەینەوە و هیچی لێناكەین، دواتر براكانی لەدەرەوە كوشتبوویان
    سنوور مەجید

  • بنێره‌ بۆ فه‌یس بوک

  •    ئه‌م بابه‌ته‌ 15,122 جار خوێنراوه‌ته‌وه‌

    سه‌رنج نوسین داخراوه‌.

    ئاگاداری گرنگ :تکایه‌ سه‌رنجێک مه‌نوسه‌ که‌له‌گه‌ڵ ڕه‌وشتی گه‌له‌که‌مان ناگونجێت ئه‌م سه‌رنجانه‌ پاش پیاچوونه‌وه ‌ بڵاوده‌کرێنه‌وه‌. بۆیه‌ خۆت ماندوو مه‌که‌ له‌نوسینی سه‌رنجی بێمانا. تا ئێمه‌ش ڕێگه‌ی سه‌رنج نوسین دانه‌خه‌ین.

    New Page 1

    لێرە کلیک بکەن بۆ نووسین بە کوردی سۆرانی

    میوانی سەرهێڵ

    0 میوان له‌سه‌ر هێڵه‌
    ................................. سه‌ردانه‌کان ژماره‌ی سه‌ردان

    گه‌ڕان له‌م ماڵپه‌ڕه‌

    کەش و هەوا

    درامای پەتریپوت

    ماڵپەڕی خۆشی

    ناوی منداڵان

    نرخی دراوه‌کان

    گۆرانی عه‌ره‌بی

    Archives

    New Page 1

     

    کلیکی ئێرە بکە زەرەر ناکەیت دواتر لایکی بکە و سەدان بابەتی هەمەرەنگ ببینن

    New Page 1
    New Page 1
    New Page 1
    NRT ناوخۆ پەیامنێر خەندان سبەی هاوڵاتی ئاوێنە
        سڤیل کوردیۆ لڤین PUK-MEDIA SNN