کلیکی ئێرە بکە زەرەر ناکەیت دواتر لایکی بکە و سەدان بابەتی هەمەرەنگ ببینن

جارێ وه‌ختی شووم نی یه‌ | ماڵپه‌ڕی سه‌ربه‌ست

جارێ وه‌ختی شووم نی یه‌

9/10/10
  • بنێره‌ بۆ فه‌یس بوک

  •    ئه‌م بابه‌ته‌ 22,266 جار خوێنراوه‌ته‌وه‌

    nazdar
    هونەرمەند نازدار والی ماوەیەكە لەمیدیاكان دەرنەكەوتووە، چونكە ئەو دەڵێت “زۆرجار رۆژنامە و گۆڤارەكان هەواڵ و بابەتی ناڕاستی هونەرمەندان بڵاودەكەنەوە، لەبەرئەوە خۆم دوورخستەوە”، نازدار لەو دیمانەی لەگەڵ (سڤیل) ئاماژە بۆ ئەوە دەكات، كە تائێستا شووی نەكردووە و بیریشی لێ نەكردۆتەوە.
    نازدار یەكێكە لە كچە گۆرانیبێژەكانی كوردستانی باكوور و ساڵی 1987 لە جەزیری بۆتان لە بنەماڵیەكی هونەردۆست لە دایكبووە. ساڵی 1993 شوێنی خۆیان جێهێشتووە و روویان لە ئەوروپا كردوە. نازدار دەڵێت “ئەوكاتە تەمەنم شەش ساڵان بوو، ئێستاش لەوڵاتی ئەڵمانیا نیشتەجێین”. نازدار ئێستا خاوەن 6 كلیپ و دوو ئەلبوومی بڵاوكراوەیە، بە ناوەكانی “هەی دنیایێ” و “دلی من”. لەبارەی دوایین كاری خۆی دەڵێت “كلیپی مێلوڤان دوایین كاری تازەی منە، كە لەشاری ئیستەمبۆڵ وێنەی بۆ گیرا و لەوەشەوە دەستخۆشی زۆرم لێكراوە”. نازدار باس لەوە دەكات كلیپكردن بۆ ناساندنی هونەرمەند گرنگە “بەڵام بەمەرجێك ئەو گۆرانییەی دەكرێتە كلیپ دەبێت گۆرانییەكی باش بێت، سیناریۆ و دەرهێنانەكەی لەگەڵ كلیپەكە بگونجێت”. ئەو كچە هونەرمەندە پێی وایە لەهەر چوار پارچەی كوردستان بواری هونەری رۆژ دوای رۆژ بەرەو پێش دەچێت و لەگەڵ ئەوەشدا هەموو میللەتێك كەموكورتی لە هەموو بوارەكان هەر دەبێت. هونەرمەند نازدار لەبەرهەمی ئەمجارەی یەكێك لە گۆرانییەكانی بە ناوی (داستان)ە، كە بە زمانی توركی گوتوویەتی و دەڵێت “ئەو گۆرانییە باس لە داستانێكی كۆنی كوردی دەكات، كە ئەویش مەم و زینە، لەم ساڵانەی دواییشدا چەند جارێك سەردانی گۆڕستانی مەم و زینم كردووە، زۆریش لەلای من گرنگە، چونكە لەوێ لە دایكبوومە”. لە بارەی گۆرانی گوتن بە زمانی توركی نازدار وتی “بۆیە حەزمكرد بە زمانی توركی ئەو گۆرانییە بڵێم، بۆ ئەوەی ببێتە نموونەیەك كە تورك بزانێت كوردیش خاوەن چیرۆك و مێژووی خۆیەتی”.

    لە بارەی رۆژنامە و گۆڤارە كوردییەكانەوە، نازدار گلەیی هەیە، كە زۆرجار بەشێوەی نادروست هەواڵ و قسەی هونەرمەندان بڵاودەكەنەوە، هەر لەبەرئەوەشە نازدار وەك خۆی دەڵێت “ماوەیەكە نەمویستووە چاوپێكەوتن ئەنجام بدەم، لەلایەن زۆر لە رۆژنامە و گۆڤارەكانیشەوە پەیوەندیم پێوەكراوە، بەڵام راگەیاندنی كوردی بەم شێوەی كە هەیە، لێیانەوە دووربی باشترە”. نازدار لەسەر ئەو قسانەی خۆی بەردەوام بوو و وتیشی “هەموو رۆژنامە و گۆڤار و ماڵپەڕێك مافی خۆیەتی زانیاری وەربگرێت و هەواڵی زیادكردنی خوێنەرانی خۆی بدات، بەڵام نابێت هەواڵی نادروست بڵاوبكەنەوە، بەس بۆ ئەوەی خوێنەر زیاد بكەن، كە بەداخەوە زۆر جار ئەوە لەسەر حیسابی هونەرمەندان كراوە، هیوادارم لە ئایندە رۆژنامە و ماڵپەرەكان بگەنە ئاستی میدیا بیانییەكان و گۆرانیبێژەكانی خۆیان بە شێوەیەك سووك نەكەن”.

    نازدار زۆر حەز لە جلی كوردی دەكات و لە زۆربەی ئاهەنگ و كلیپەكانی خۆیدا بە جلی كوردییە دەركەوتووە، بەڵام نازانێت ژمارەی جلە كوردییەكانی چەندە، وەك خۆی دەڵێت “تائێستا نازانم ژمارەی جلە كوردییەكانم چەندە، دەزانم جلی كوردیم زۆرە، بەڵام حیسابم نەكردووە”. نازدار كە خۆی خاوەن رووخسارێكی جوانە، بەڵام باوەڕی بەمیكیاژ و نەشتەرگەری جوانكاریی نییە، پێی وایە ئافرەت خۆی لەوانە جوانترە، نازدار دەڵێت “ژن بۆخۆی جوانە، مكیاج هۆكارێكە بۆ ئەوەی جوانیەكەی زیاتر دەربخات، میكیاج شتێكی نوێ نییە، چونكە ژن كلدانی خۆی هەبوو، من مكیاج بە گرنگ نابینم، بەڵام ئەگەر ئافرەت مكیاج بكات بەڕای من بە شێوەیەكی زۆر كەم بیكات”. بە لای نازدارەوە ئەو ئافرەتانەی لەسەرخۆ و هێمنن و باوەڕیان بەتوانا و زیرەكی خۆیان هەیە و دەتوانن لەگەڵ ماڵ و منداڵی خۆیدا بگونجێت “جوانترین ئافرەتن”. لەبارەی لایەنی تایبەتی ژیانی خۆشیەوە، كە زۆر كەس واتێگەیشتوون نازدار شووی كردووە، ئەو ئەم قسەیە رەتدەكاتەوە و دەڵێ كە تائێستا ژیانی هاوسەری پێكنەهێناوە، “هێشتا بیریم لە ژیانی هاوسەری نەكردۆتەوە و ئەگەر ژیانی هاوسەری پێك بێنم ئەوە قسمەت و نسیبە”. گوڵی نازداریش هەر بۆ دایكیەتی، وەك باسی دەكات “ئەگەر گوڵێكم لەلابێت دەیكەمە دیاری بۆ دایكم، چونكە دایك خۆشەویسترین كەسی منە
    رۆشنە عومەر”.

  • بنێره‌ بۆ فه‌یس بوک

  •    ئه‌م بابه‌ته‌ 22,266 جار خوێنراوه‌ته‌وه‌

    ئاگاداری گرنگ :تکایه‌ سه‌رنجێک مه‌نوسه‌ که‌له‌گه‌ڵ ڕه‌وشتی گه‌له‌که‌مان ناگونجێت ئه‌م سه‌رنجانه‌ پاش پیاچوونه‌وه ‌ بڵاوده‌کرێنه‌وه‌. بۆیه‌ خۆت ماندوو مه‌که‌ له‌نوسینی سه‌رنجی بێمانا. تا ئێمه‌ش ڕێگه‌ی سه‌رنج نوسین دانه‌خه‌ین.

    New Page 1

    لێرە کلیک بکەن بۆ نووسین بە کوردی سۆرانی

    سه‌رنج بنوسه‌

    ئیمه‌یڵه‌که‌ت که‌س نایبینێ

    Protected by WP Anti Spam

    میوانی سەرهێڵ

    0 میوان له‌سه‌ر هێڵه‌
    ................................. سه‌ردانه‌کان ژماره‌ی سه‌ردان

    گه‌ڕان له‌م ماڵپه‌ڕه‌

    کەش و هەوا

    درامای پەتریپوت

    ماڵپەڕی خۆشی

    ناوی منداڵان

    نرخی دراوه‌کان

    گۆرانی عه‌ره‌بی

    Archives

    New Page 1
    New Page 1
    New Page 1
    NRT ناوخۆ پەیامنێر خەندان سبەی هاوڵاتی ئاوێنە
        سڤیل کوردیۆ لڤین PUK-MEDIA SNN