ئەم بابەتە لە ماڵپەڕی sarbast.com وەرگیراوە و چاپکراوە


هەنجیر بخۆ و لەم نەخۆشی یە ترسناکە دووربە

هەنجیر بخۆ و لەم نەخۆشی یە ترسناکە دووربە
ھه‌نجیر یه‌كێكه‌ له‌و میوه‌جاتانه‌ی ده‌وڵه‌مه‌نده‌ به‌ كانزا و ڤیتامینه‌كانی B1،B2، AC،  AG  و دژه‌ ئۆكسان، ڕیشاڵ له‌گه‌ڵ بوونی ترشه‌ چه‌وری و كۆمه‌ڵێك كانزای گرنگ وه‌ك: ئاسن، كالیسیۆم، مس، پۆتاسیۆم به‌ھۆی بوونی ئه‌م ڕه‌گه‌زه‌ گرنگانه‌ له‌ پێكھاته‌یدا خواردنی كۆمه‌ڵێك سوودی ته‌ندروستی گرینگی ھه‌یه‌.
 
به‌پێی ئه‌و لێكۆڵینه‌وانه‌ی توێژه‌رانی بواری ته‌ندروستی و خۆراك بۆ هه‌نجیر كردوویانه‌، ئه‌م سوودانه‌ی خواره‌وه‌یان دۆزیوه‌ته‌وه‌.
 
- له‌ توانایدایه‌ ھه‌ندێك له‌ گرفته‌كانی كۆئه‌ندامی ھه‌رس چاره‌سه‌ر بكات.
 
- گورچیله‌ چالاك ده‌كات و ڕزگاریشی ده‌كات له‌ خوێی زیاده‌.
 
- چاره‌سه‌ری زۆرێك له‌ نه‌خۆشییه‌كانی پێست و نه‌خۆشی ئاوڵه‌ له‌ قۆناغه‌كانی سه‌ره‌تاییدا ده‌كات.
 
- یارمه‌تی دابه‌زانی كێشی له‌ش ده‌دات و ڕێگری ده‌كات له‌ قه‌ڵه‌وبوون، له‌گه‌ڵ ئه‌وه‌ی ڕێژه‌یه‌كی به‌رز له‌ شه‌كری تێدایه‌، به‌ڵام ڕیشاڵی خۆراكیشی تێدایه‌، خواردنی هه‌نجیر وا ده‌كات زوو ھه‌ست به‌ تێربوون بكه‌یت.
 
- به‌ھۆی بوونی كالیسیۆم له‌ پێكھاته‌یدا ئێسك به‌ھێز ده‌كات، ڕێگریش له‌لاوازبوونی ده‌كات به‌هۆی زیادبوونی ته‌مه‌نه‌وه‌ .
 
- mده‌وڵه‌مه‌نده‌ به‌ كانزا كه‌ پێكھاته‌ی سه‌ره‌كی دروستبوونی ھیمۆگلۆبینی خوێنه‌، بۆیه‌ ھه‌نجیر له‌ توانایدایه‌ چاره‌سه‌ری نه‌خۆشی كه‌م خوێنی (ئه‌نیمیا) بكات.
 
- ڕێگری ده‌كات له‌ تووشبوون به‌ شێرپه‌نجه‌ی مه‌مك. 
 
- ده‌توانرێت له‌ چاره‌سه‌ركردنی برینی ده‌مدا سوودی لێ وه‌ربگیرێت، پووكیش له‌ تووشبوون به‌ ھه‌وكردن ده‌پارێزێت، ددان به‌ھێز ده‌كات به‌ مه‌رجێك دوای خواردنی به‌ھۆی بوونی شه‌كر له‌ پێكھاته‌یدا ددانه‌كان بشۆرێت . 
 
- قژ به‌ھێز ده‌كات و ڕێگری له‌ ھه‌ڵوه‌رینی قژ و ده‌ركه‌وتنی نیشانه‌كانی زوو پیربوون ده‌كات.
 
- چاره‌سه‌ری ھه‌وكردنی كۆئه‌ندامی ھه‌ناسه‌ ده‌كات.

 


ڕێکەوتی بڵاوبوونەوەی بابەت: 2017-08-28