ئەم بابەتە لە ماڵپەڕی sarbast.com وەرگیراوە و چاپکراوە


بەهێرشی کۆربین بۆ سەر سیستەمی حکومڕانی بریتانیا یەکەمین هەڵمەتی هەڵبژاردنەکانی بریتانیا دەستپێدەکات

بەهێرشی کۆربین بۆ سەر سیستەمی حکومڕانی بریتانیا یەکەمین هەڵمەتی هەڵبژاردنەکانی بریتانیا دەستپێدەکات

ئەمڕۆ جێرمی کۆربین، سەرۆکی پارتی کرێکارانی ئۆپۆزسیۆنی بریتانیا لە هەڵمەتی هەڵبژاردنەکان 12ی دیسەمبەردا رەخنەی لە حکومەتی ئێستای بریتانیا گرت و رایگەیاند، حکومەتی بریتانیا لەلایەن "کۆمەڵێکی هەڵهاتو لەباج و ملیاردێری خراپەوە بەڕێوەدەچێت".

ئەمڕۆ پێنجشەممە 31ی ئۆکتۆب بڕیاربو بریتانیا لەیەکێتی ئەوروپا جیابێتەوە

 

ئەمڕۆ پێنجشەممە کە 31ی ئۆکتۆبە، کە بڕیاربو بریتانیا لەیەکێتی ئەوروپا جیابێتەوە، هەریەک لە بۆریس جۆنسن، سەرۆک وەزیرانی ئێستای بریتانیا و سەرۆکی پارتی پارێزگارانی بریتانیا و جێمس کۆربین، سەرۆکی پارتی کرێکارانی ئۆپۆزسیۆن لە چەند پانێڵێکدا بۆچونی هۆیان لەبارەی هەڵبژاردنەکانی وڵاتەکە کە بڕیارە 21ی دیسەمبەری ئەمساڵ بەڕێوەبچێت، خستەڕو.

ئەو کۆمەڵە کارەکانی حکومەت لەبەرژەوەندی خۆیاندا بەکاردەهێنن، کاریان هیچ نییە جگە لە درۆکردن بۆ چەماوەری خەڵکی بریتانیا و پیسکردنی ژینگە

 

کۆربین حکومەتی بریتانیای بە "یەکێتی گەورە سەرمایەدارەکانی رۆژئاوا ناوبرد" و وتی، "ئەو کۆمەڵە کارەکانی حکومەت لەبەرژەوەندی خۆیاندا بەکاردەهێنن، کاریان هیچ نییە جگە لە درۆکردن بۆ چەماوەری خەڵکی بریتانیا و پیسکردنی ژینگە".

ئەم هەڵبژادنە هەلێکی زۆرباشە بۆ پاککردنەوەی وڵاتەکەمان لەو کەسانە، کە هەمیشە بەرژەوەندیە تایبەتیەکانیان رێگری لە بەرەوپێشچونی خەڵک دەگرن

 

کۆربین کە سەرۆک و ئەندامێکی چالاکی پارتی کرێکارانە وتیشی، "ئەم هەڵبژادنە هەلێکی زۆرباشە بۆ پاککردنەوەی وڵاتەکەمان لەو کەسانە، کە هەمیشە بەرژەوەندیە تایبەتیەکانیان رێگری لە بەرەوپێشچونی خەڵک دەگرن و هەمیشە کۆمەڵانی خەڵک لەدوای خۆیانەوە جێدەهێڵن".

هەڵبژاردنی پێشوەختی 12ی سیبتەمبەر بە قورسترین هەڵبژاردنی بریتانیا دادەنرێت، کە ئەو وڵاتە لەساڵی 1923 وە بەخۆیەوە بینیبێت

 

هەڵبژاردنی پێشوەختی 12ی سیبتەمبەر بە قورسترین هەڵبژاردنی بریتانیا دادەنرێت، کە ئەو وڵاتە لەساڵی 1923 وە بەخۆیەوە بینیبێت، هۆکارەکەشی دەگەڕێتەوە بۆ پرسی دەرچونی بریتانیا لە یەکێتی ئەوروپا، کە بەهۆیەوە زۆربەی پەرلەمانتارانی بریتانیا لە رەوشێکی هەڵچو توڕەیدان و هەندێکجار بەهۆی هەستی نەتەوایەتیانەوە، وەفاداریان بۆ پەیڕەی پارتەکەیان پێشتگوێدەخەن.

ساڵی 2016 هاوڵاتیانی بریتانیا لە راپرسیەدا بەکۆی %52 دەنگ بە بەڵی دەنگیان بە بەڵێدا بۆ دەرچونی بریتانیا لەیەکێتی ئەوروپا

 

ساڵی 2016 هاوڵاتیانی بریتانیا لە راپرسیەدا بەکۆی %52 دەنگ بە بەڵی دەنگیان بە بەڵێدا بۆ دەرچونی بریتانیا لەیەکێتی ئەوروپا، بەڵام لەکاتی ئەنجامدانی رێوشوێنەکانی جێبەجێکردنی ئەم پرسە بریتانیا بەرەنگاری قەیرانێکی سیاسی زۆربوەوە.

لە کۆتایی ئەم مانگەدا بە کۆی دەنگی پەرلەمانتارانی بریتانیا ماوەی کۆتای دەرچونی بریتانیا لەیەکێتی ئەوروپا بۆ 31ی کانونی دوەم دواخرا و پێشنیارەکەی بۆریس جۆنسن بۆ هەڵبژاردنی پێشوەخت پەسەندکرا.


ڕێکەوتی بڵاوبوونەوەی بابەت: 2019-10-31