زیانەکانی شامپۆ لەسەر پرچ

زیاد بەکارھێنانی شامپۆ بۆ پرچ گەشەکردنی بەکتریا و زیندەوەرە بچووکەکان لەناو پرچ خێرا دەکات، کاتێکیش لەگەڵ ئاوی گەرم بەر پرچ دەکەون تووشی وشکبوون و ھەڵوەرینی دەکات.

لەڕاستیدا بەکارھێنانی ئەو شامپۆ بازرگانیانەی کە ڕۆژانە ریکلامی بۆ دەکرێت تاڵەکانی پرچ لاواز دەکات و ڕۆنە سروشتییەکانی ناو ڕەگی مووەکانیش لەناو دەبات، بەھۆی ئەوەی زۆربەی شامپۆیەکان لە ماددەی لۆریلی گۆگردیدی سۆدیۆم و ماددە پاککەرەوە زیانبەشەکانی دیکە پێکھاتوون کە تاڵەکانی پرچ وشک و ڕەقدەکاتەوە.

بۆ ئەم مەبەستە پسپۆڕانی بواری جوانکاری لە ئێستەدا لە ھەوڵی ئەوەدان کە لەبری شامپۆ چەند پێکھاتەیەکی سروشتی وەکو ماججە پاککەرەوەکان پرچ پاکبکاتەوە، ئەو ماددانەیش بە پلەی یەکەم لە ماددەی گلسرین و کامۆمیل و رۆزماری پێکھاتووە لەگەڵ ئەوەی پرچ پاکدەکاتەوە بریقەی و نەرمیشی پێ دەبەخشێت.