باوەڕناکەن لیفکەی خۆشوشتن چ زیانێک بەپێست دەگەیەنێت

لیفکەی خۆشووشتن ئەو پارچە پەڕۆیەیە کە مرۆڤەکان لەکاتی گەرماو کردندا بەکاریدەھێنن بۆ پاککردنەوەی پێستی لەشیان لەبەکتریا زیانبەخشەکان.

بەپێی لێکۆڵینەوەیەکی نوێ لەوڵاتی ئەمریکا ئەنجامدراوە ئاماژە بەوە کراوە کە لیفکەی خۆشووشتن بەکتریاییەکی زۆری لەسەر کۆدەبێتەوە ئەگەر ھاتوو لەدوای خۆشووشتن پاکنەکرێتەوە، سەرۆکی لێکۆڵینەوەکەیش ڕایدەگەیەنێت لیفکە تەنھا کاتێک کەیەکەم جار بەکاردەھێنرێت بەکتریای لەسەر کۆنابێتەوە بەڵام لەدوایدا بەکتریا لەسەری دەنیشێت و خانە مردووەکانی سەر پێست زیاد دەکات بەتایبەتی ئەگەر بە تەڕی لە گەرماو بەجێبھێڵرێت ھەروەھا پێست تووشی سوربوونەوە و نەخۆشی ھەستیاری دەکات.

لەکۆتایی لێکۆڵینەوەکە پزیشکان ئامۆژگاری ھاوڵاتیان دەکەن بەوەی کە لیفکەکانیان لەدوای خۆشووشتن لەبەردەم ڕۆژ دابنێن بۆ ئەوەی وشکببێتەوە یانیش بۆ ماوەی ٢٠ چرکە لەناو ئامێری گەرمکەرەوە "مایکرۆوەیڤ" دابنێن تا وشک دەبێتەوە ئینجا جارێکی دیکە لەکاتی خۆشووشتن بەکاریبھێنن.