• مۆڵەتنامەی شۆفێری جیهانی داوا بکە
  • reklam5770
  • krd travel
  • reklam 570
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • driving test
  • life in uk test in kurdish
  • car wash for sale
  • barber
  • ISTAR2
  • reklam180

‌لەكاتی كاركردندا هەستی بە ئازار كرد.. دوای 4 رۆژ كارەساتەكە رویدا

‌لەكاتی كاركردندا هەستی بە ئازار كرد.. دوای 4 رۆژ كارەساتەكە رویدا

پێشتر "بەكتریا گۆشتخۆر"ەكەتان بیستوو؟ دەزانن ژمارەی توشبوانی چەندە؟ هۆكارەكانی چییە؟

ئەو بەكتریایە لە ساڵێكدا 80 هەزار كەس دووچاری دەبێت "Vibrio vulnificus"، لە زۆربەی حاڵەتەكەندا هۆكاری توشبوون بەو نەخۆشییە، خواردنی هەندێك لە خۆراكە دەریاییەكانە بە كاڵی یان بە نەكوڵاوی، ئەوەش بەپێی سەنتەرەكانی بنەبڕكردنی نەخۆشییەكان و دەستنیشانكردنیان.

مایكل فونكی تەمەن 67 ساڵ، یەكێكە لە قوربانیانی ئەو بەكتریایە، لە نیشانەكانی بەكتریاكەش سكچوون و رشانەوەیە.

فونك لە 11ی ئەیلولی رابردوو لە شاری ئۆشن سیتی ئەمریكایی توشی ئەو بەكتریایە بوو كاتێك قاپەكانی پاكدەكردەوە كە قرژاڵی تێدا كوڵانبوون و لەو كاتەشدا خۆی بۆ گەڕانەوە بۆ ماڵە ستانییەكەی لە فینیكس ئامادە دەكرد.

ئەو پیاوە برینێك لە قاچیدا هەبوو، كاتێك قاچی بە ئاوی خوێیاوی كەنارەكان تەڕدەبێت كە بەكتریای "Vibrio vulnificus"ی تێدایە و بە بەكتریای گۆشتخۆر دەناسرێت، دوای چەند كاتژمێرێك هەست بە ئازارێكی زۆر دەكات لە قاچیدا، دوای گەیشتن بە نەخۆشخانەش پزیشكەكان ئەو پێستەیان لابرد كە توشبووە، دواتر قاچی بڕدرا، بەڵام لەبەر ئەوەی نەخۆشییەكە بەشێوەیەكی زۆر خێرا لە جەستەیدا بڵاوبووەوە، لەماوەی تەنیا چوار رۆژدا گیانی لەدەستدا.

بەپێی سەنتەرەكانی بنەبڕكردنی نەخۆشییەكان و خۆپاراستن لێیان، بوونی ئەو بەكتریایە بە رێژەیەكی زۆر لەنێو ئاوی كەنارئاوەكاندا دۆزرایەوە.
بەكتریاكە لەنێو ئاوە خوێیاوییە گەرمەكاندا دەژی و ئەو كەسانە توشی دەبن كە خواردنە دەریاییە كاڵەكان یان نەكوڵاوەكان دەخۆن، بە هەمان شێوە ئەوانەش توش دەبن كە برینییان هەیە و برینەكانیان بە ئاوی دەریا تەر دەبێت، ئەو بەكتریایە دەتوانێت لە خوێنبەرەكان بپەڕێتەوە، ئەوەش نەخۆشییەكی وەها دروست دەكات كە توشبوو دووچاری هەڕەشەی گیانلەدەستدان دەكاتەوە، نیشانەكانیشی خۆیان لە لەرزوتا و دابەزینی فشاری خوێن، وێڕای دەركەوتنی قڵیشانی پێست.

پزیشكەكان دوای ئەوەی كات لەدەستچوو، حاڵەتەكەی فونكیان دەستنیشان كرد و دوای 4 رۆژ لە توشبوونی بەو بەكتریایە لە 15 ئەیلولی رابردوو كۆچی دوایی كرد، مارسیای خێزانی لەو بارەیەوە رایگەیاندوو كە رووداوەكە وەك فیلمی ترسناك وابوو.

ed48f3e0b601487cce6d252fda378af1

 

|2039 جار خوێندراوەتەوە|