• مۆڵەتنامەی شۆفێری جیهانی داوا بکە
  • reklam5770
  • krd travel
  • reklam 570
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • driving test
  • life in uk test in kurdish
  • car wash for sale
  • barber
  • ISTAR2
  • reklam180

"چاكبوونەوەی یەكجاریی" لە شێرپەنجەی پرۆستات تۆماركرا

\

پیاوێك لە قۆناخێكی پیشكەوتووی شێرپەنجەی پرۆستات رزگاری دەبێ و دەگوترێ "بە یەكجاریی چاكبووەتەوە"، ئەویش دوای ئەوەی پزیشكان شێرپەنجەكەی تووشی شۆك دەكەن، بە پێدانی بڕێكی ئێجگار زۆر لە هۆرمۆنی نێرینەی تێستۆستیرۆن، ئەوەش بەپێی هەواڵی دەیلی تەلەگراف.

ئەنجامە نوێیەكان "چاوەڕواننەكراو" و "ئێجگار سەرسوڕهێنەر و دڵخۆشكەر"ن، چونكە تاكو ئێستا بێبەشكردنی شێرپەنجەكە لە هۆرمۆنی نێرینە ستراتیژی چارەسەری شێرپەنجەی پرۆستات بوو، بەو پێیەی دەگوترا شێرپەنجەی پرۆستات سوود لە هۆرمۆنی نێرینەی تیستۆستیرۆن وەردەگرێ بۆ بەردەوامی و پەرەسەندنی، بەڵام لە رێبازە نوێیەكەدا بڕێكی ئێحگار زۆر لە هۆمۆنەكە ئاراستەی شێرپەنجەكە دەكرێ.

یەكێك لەوانەی لە قۆناخێكی پێشكەوتووی نەخۆشییەكەدا بووە، بەهۆی چارەسەرە نوێیەكە بە تەواوی چاكبووەتەوە و ئێستا هیچ ئاماژەیەكی شێرپەنجەی پرۆستات لە پشكنینەكانی نین. ژمارەیەكی دیكە لە تووشبووان، كە لە قۆناخی پێشكەوتووی شێرپەنجەی پرۆستات بوون، باشبوونی بەرچاو لە دۆخی نەخۆشییەكەیان روویداوە. بەگشتی لە زۆرینەی هەر 47 بەشداربووەكە ئاستی ماددەی (PSA) لە خوێن دابەزیوە، ئەوەش نیشانەی وەڵامدانەوەی ئەرێنیی جەستەیانە بۆ چارەسەرە نوییەكە و ئاماژەیەكیشە بۆ لاوازبوونی شێرپەنجەی پرۆستات.

پرۆفیسۆر سام دێنمید، سەرۆكی تیمی توێژەران لە سەنتەری پزیشكی جۆن هۆپكینز لە باڵتیمۆری ویلایەتە یەكگرتووەكانی ئەمریكا، دەڵێ "ئامانجمانە سەرەتا بڕێكی ئێجگار زۆری هۆرمۆنی نێرینەی تێستۆستیرۆن ئاراستەی شێرپەنجەكە بكەین، پاشان بڕێكی ئێجگار كەمی ئاراستە دەكەین و تووشی شۆكی دەكەین. ئەنجامەكانیشمان چاوەڕواننەكراو و سەرسوڕهێنەر و دڵخۆشكەرن".

توێژەرەكان دەڵێن قۆناخی داهاتوو لێكۆڵینەوەیە لە میكانیزمی كاركردنی رێگەچارە نوێیەكە و چۆنێتی گۆڕینی بۆ رێگەیەكی ستانداردی چارەسەری شێرپەنجەی پرۆستات.

|1648 جار خوێندراوەتەوە|