• ریکلامی ٥٧٠
  • مۆڵەتنامەی شۆفێری جیهانی داوا بکە
  • ئەرین بۆ کرێدانی ئۆتۆمبێل ١١/٨/٢٠١٧
  • ریکلامی تەلەفۆن
  • SARTAK TRAVEL
  • ریکلام سەرتەک٣
  • harem reklam
  • سورین تراڤل
  • ریکلامی تایبەت
  • شاپۆست تەواو دەبێت لە ١٢-١٢-٢٠١٦
  • for sale
  • سەرتاشیکمان دەوێت لە لیستەر
  • خەسلێک بۆ فرۆشتن
  • دوکانێک بۆ فرۆشتن
  • دوکانیک بۆ فرۆشتن ٨/١/٢٠١٧
  • ریکلام ١٨٠
  • reklam-180-7
  • ریکلام 180-55
  • ریکلام 180-00
  • ریکلام 22-12-2016
  • REKLAM END 20-8-2017
  • reklami amozhgari 2-6-2017

دوو دەستگیراندار لە زاخۆ پێكەوە دەخنكێن

دوو دەستگیراندار لە زاخۆ پێكەوە دەخنكێن

وا بڕیار بوو دوای 15 رۆژی دیكە زەماوەند بكەن، بەڵام قەدەری ئەوان وابوو لە ژوورێكدا پێكەوە بخنكێن.

رۆژی 8/12/2017 هاوار عەبدولكەریم و دلڤین موحسین، كە ئامۆزای یەكدی بوون و زیاتر لە سێ‌ مانگ بوو دەستگیراندار بوون، لە گوندی خێزاڤای سەر بە ناحیەی باتیڤا لە ژوورێكدا بە گازی یەكەم ئۆكسید خنكان.

رۆژهات ئیدریس، ئامۆزا و هاوڕێیەكی نزیكی هاوار بووە، هەندێ زانیاری لەبارەی خنكانی هاوار و دەستگیرانەكەی بە (رووداو) دا و گوتی "كاژێر حەوتی ئێوارەی رۆژی 8/12/2017 بە ئاگاداری خێزانی هەردوولا (هاوار و دلڤین) سەفەرێك بۆ گوندی خیزاڤای سەر بە ناحیەی باتیفا لە قەزای زاخۆ دەكەن".

وەك ئامۆزاكەی دەڵێت "كاژێر بوو بە 9:30ی شەو باوكی هاوار پەیوەندی  پێوەكردین و گوتی هەرچی زووە بەدوای هاواردا بڕۆن، چونكە قەت هێندە دوانەكەوتووە".

شێرزاد عەبدولكەریم برای هاوار یەكەم كەس بووە كاژێر 10:30ی شەو گەیشتووەتە ئەو شوێنەی دوو دەستگیرانەكەی لێبووە. رۆژهات ئیدریس گوتی "كاتێك برای هاوار دەرگای ئەو ژوورە دەكاتەوە كە هاوار و دەستگیرانەكەی تێدا بوون، ژوورەكە پڕ بووە لە دووكەڵ. هاوار و دلڤین لەسەر زەوی كەوتبوون، هەوڵی دابوو براكەی و دەستگیرانەكەی دەربهێنێ ئەویش لەبەر زۆریی گاز و دووكەڵەكە لە هۆش خۆی چووبوو".

شێرزاد هەروەها گوتی "كە بەهۆش هاتمەوە یەكسەر رامكردە دەرەوە و چەند گوللەیەكم تەقاند، بۆ ئەوەی خەڵك بەهانامانەوە بێن، بەڵام لەبەر ئەوەی خەڵكی گوندەكان زوو دەخەون كەس نەهات و ناچاربووین دواتر لە رێگەی كەسوكاری خۆم هەردووكمان گواستنەوە بۆ نەخۆشخانەی زاخۆ".

ئەمیر عەلی، بەرپرسی راگەیاندنی تەندروستیی زاخۆ بە (رووداو) گوت "بەپێی راپۆرتی دادپزیشكی ئەو دوو دەستگیراندارە كە گەیەنراونەتە نەخۆشخانە، هاوار هێشتا دڵی لە لێدان نەكەوتبوو".
بەپێی ئامارە فەرمییەكان لە زاخۆ تەنیا لەم ساڵەدا ئەمە سێیەمین رووداوی خنكانی هاووڵاتیانە بە گازی ژەهراوی.

پۆلیس دەستی بە لێكۆڵینەوە لە رووداوەكە كردووە. رائیدی مافپەروەر هێمن سلێمان، بەرپرسی راگەیاندنی پۆلیسی پارێزگای دهۆك بە (رووداو)ی راگەیاند "هیچ گومانێكمان نییە لە رووداوەكە و تیمەكانمان سەردانی شوێنەكەیان كردووە".

هاوار تەمەنی 26 ساڵ بووە، پێنج برا و سێ خوشكی هەبوون، دلڤینی دەستگیرانیشی كە ئامۆزای بووە، تەمەنی 18 ساڵ بووە و حەوت خوشكی هەبووە، بەڵام هاوار و دلڤین لە خوشك و برایەكانی خۆیان بچووكترینن، زیاتر لە سێ مانگ بوو گرێبەستی هاوژینیان لە دادگای باری كەسی لە زاخۆ تۆماركردبوو.

شێرزاد گوتی "ئەوان پلانیان دانابوو دوای 15 رۆژی دیكە زەماوەند بگێڕن، بەڵام بەداخەوە ئاهەنگیان نەكرد و ماڵئاواییان لێكردین، خۆشییان لێ‌ كردین بە شین

|2611 جار خوێندراوەتەوە|