واتسئاپ تايبەتمەندييە گرنگەکەی زياد کرد

بەشێوەيەکی فەرمی کۆمپانيای فەيسبوکی خاوەن بەرنامەی واتسئاپ زيادکردنی تايبەتمەندييەکی گرنگی بۆ ئەو بەرنامە سەوز پۆشەيان راگەياند.

تايبەتمەندييەکەش لەوەوە سەرچاوەی گرتووە کە خواستێکی زۆری لەسەربووەو لە زۆرينەی ئاپ و تۆڕە کۆمەڵايەتييەکاندا بوونی هەيە و بەردەستە بۆ بەکارهێنان.

ئەو تايبەتمەندييەش بريتييە لە بڵاوکردنەوەی وێنەی جوڵاو، واتە لەمەودوا واتسئاپ پاڵپشتی لە بڵاوکردنەوەی وێنەی جوڵاو (GIF) دەکات و بەکارهێنەرانی دەتوانن بە ئاسانی بۆ هاوڕێکانيان بنێرن.

لە سەرەتاشدا ئەم تايبەتمەندييە بۆ سيستمی ئەندرۆيد زيادکراوەو واچاوەڕوان دەکرێت لە ئايندەيەکی نزيکدا بۆ سيستمی ئای ئۆ ئێس ـيش زياد بکرێت.