• krd travel
  • هاوکاری پەنابەران
  • REKLAM 570
  • ENJAZA
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • دووکانیک بۆ فرۆشتن
  • reklam 180-4
  • سەرتاش بۆ فرۆشتن
  • دوکانیک بۆ فرۆشتن
  • reklam180
  • ئای ستار

تەکنیکیکی نوێ بۆ زیندوکردنەوەی موردوو

تەکنیکیکی نوێ بۆ زیندوکردنەوەی موردوو

بەپێی توێژینەوەیەکی نوێی چەند زانایەک، دەرکەوتووە مردن ڕووداوێکی کتوپڕ نییە و چەند سەعاتێک دەخایەنێت، بەپێی ئەو توێژینەوەیە، دوای وەستانی کردەی ھەناسەدان و لێدانی دڵ مردنی خانەکانی لەش لە ماوەیەکی دیاریکراودا دەستپێدەکات. ئەکادیمیای زانستەکانی نیویۆرک بەبەشداریی چەند زانایەک کۆنفرانسێکی لەبارەی چاکبوونەوەی نەخۆش دوای وەستانی دڵی بەست. سام پارنیا کە پزیشکێکی کۆلێژی پزیشکییە لە زانکۆی نیویۆرک وتی "جاران وا دەزانرا دوای وەستانی دڵ و ھەناسەنەدان مرۆڤ دەمرێ، بەڵام لە ڕاستیدا ئەگەری چاکبوونەوەی نەخۆشەکە تا دوای سەعاتێکیش لەئارادایە، چونکە خانەکان تا ئەو ماوەیە ھەر بە زیندوویی دەمێننەوە. " دکتۆر ستیڤان مایەری کۆڵمبیاییش وتی "وەستانی دڵ مانای مردنی کەسەکە نییە، بەڵکو لە ساتی وەستانەکەوە کرداری مردن دەست پێدەکات، چونکە ئیتر دڵ ناتوانێت پاڵ بە خوێنەوە بنێت تا ئوکسجین بۆ خانەکان بڕوات. " دکتۆر لانس بیکەر لە زانکۆی پێنسیلڤانیا وتی "نەڕۆیشتنی ئۆکسجین بۆ خانەکانی لەش، نیشانەی مردنە، بەڵام لەوانەیە زاناکان لە داھاتوودا بتوانن بەسەر ئەو نیشانەیەدا زاڵ بن." ھەروەھا وتی "چەندین کەس دوای وەستانی دڵیان دووبارە گەڕاونەتەوە، ئەم حاڵەتانەش بەزۆری بەھۆی دابەزینی پلەی گەرمای لەشەوە دەبێت، ئەگەرچی ئەم تەکنیکە بۆ ھەندێ نەخۆش لەکاتی وەستانی دڵیاندا بەکاردەھێنرێت، بەڵام مەترسییەکەی زۆرترە. " زانایان لەبارەی تەکنیکی زیندووبوونەوەی مردوو دوای وەستانی دڵی، دابەزاندنی پلەی گەرمی لەش و ناردنی ئۆکسجین بۆ خانەکان بەبێ‌ یارمەتیی دڵ بە مەترسییەکی گەورە بۆ سەر مێشک و کۆئەندامی دەمار دادەنێن، خۆ ئەگەر بتوانرێت دوای وەستانی دڵ بڕی ئۆکسجینی نێردراو بۆ مێشک کۆنتڕۆڵ بکرێت ئەوا ھەنگاوێکی باش دەبێت بۆ ئەم تەکنیکە نوێیە -

|1911 جار خوێندراوەتەوە|