هەناسەدان بە لوت باشترە یاخود دەم؟ زۆر گرنگە!

هه‌موو که‌سێک بۆ جارێکیش بێت هه‌ناسه‌ کێشان به‌ ده‌م تاقی ده‌کاته‌وه‌، به‌شێکیش به‌رده‌وام راهاتوون له‌سه‌ر ئه‌وه‌ی له‌ رێگه‌ی ده‌مه‌وه‌ هه‌ناسه‌ بکێشن. به‌ بڕوای پسپۆڕان به‌ گشتی ده‌بێت هه‌ناسه‌ کێشان له‌ رێگه‌ی لوته‌وه‌ بێت و ته‌ندروست تره‌ له‌ هه‌ناسه‌ کێشان به‌ ده‌م. له‌ لوتدا هه‌وا پاک ده‌بێته‌وه‌ و پله‌که‌شی رێک ده‌خرێت. هه‌ناسه‌ کێشان به‌ ده‌م له‌کاتی وه‌رزش یارمه‌تی لوت ده‌دات، به‌ڵام نابێت ببێت به‌ خوی رۆژانه‌. هۆکاری هه‌ناسه‌ کێشان به‌ ده‌م به‌هۆی گیرانی لوت که‌ به‌هۆی هه‌وکردنی له‌وزه‌کان یان لادانی لوت روو ده‌دات. زیانه‌کانی هه‌ناسه‌ کێشان به‌ ده‌م: وشکی ده‌م و لێوه‌کان و گۆڕانی بارودۆخی بەکتریاکانی ناو ده‌م و کلۆر بوونی ددانه‌کان و هه‌وکردنی پووک و بۆنی ناخۆشی ناو ده‌م و ئاسه‌واری له‌سه‌ر زمان و روخسار له‌ زیانه‌کانی هه‌ناسه‌ کێشان به‌ ده‌مه‌. چاره‌سه‌رکردنی: سه‌ره‌تا ده‌بێت سه‌ردانی پزیشکی پسپۆڕ بکه‌ن تاوه‌کو هۆکاره‌که‌ی ده‌ست نیشان بکرێت. ئه‌گه‌ر به‌هۆی راهاتن بێت، پزیشکی پسپۆڕ رێنمایی رێگه‌کانی هه‌ناسه‌ کێشان به‌ لوت ده‌کات