• مۆڵەتنامەی شۆفێری جیهانی داوا بکە
  • reklam5770
  • krd travel
  • reklam 570
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • driving test
  • life in uk test in kurdish
  • car wash for sale
  • barber
  • ISTAR2
  • reklam180

ژنیکی کورد کلێنسکی خواردووە ، بە قسەی کابرای کەڵەکی کردووە

ژنیکی کورد کلێنسکی خواردووە ، بە قسەی کابرای کەڵەکی کردووە

بەڕێوەبەری نەخۆشخانەی  فریاكەوتنی رۆژهەڵاتی هەولێر، رایگەیاند ژنێك  لە نەخۆشخانەكەیان داخڵكراوە، وەک ئەو دەڵێ "بەهۆی خواردنی کلینیکسەوە تووشی سكئێشە بووە". بەڕێوەبەری نەخۆشخانەكە دەڵێت "دەست بەچارەسەری پزیشكی بۆ ئەو نەخۆشە كراوە، تاوەكو بزانین هۆكاری راستەقینەی سكئێشەكەی چییە".

د.بەڵێن سەلاح كۆیی، بەڕێوەبەری نەخۆشخانەی  فریاكەوتنی رۆژهەڵاتی هەولێر، بە (تۆڕی میدیایی رووداو)ی راگەیاند ئەو ژنە كە خاوەنی 5منداڵە ئەمڕۆ 26-4-2017 هاتۆتە نەخۆشخانەكەیان "خۆی دەڵێت بۆ ئەوەی كێشم دابەزێ‌، کلینیکسم خواردوە، ئەوەی لەسەر ئێمەیە چارەسەركردنیەتی ئێستاش سەرقاڵی چارەسەركردنین".

كرمانج محەمەد بەرپرسی راگەیاندنی نەخۆشخانەی  فریاكەوتنی رۆژهەڵاتی هەولێر بە (رووداو)ی راگەیاند ئەو نەخۆشە خۆی دەڵێت بۆ ئەوەی كێشم دابەزێ‌ رۆژانە 20 تاوەكو 25 کلینیکسم خواردوە ‌و گوتیشی "بەقسەی ژنەكە لە 10-3-2017 وە رۆژانە 20 بۆ 25كلێنسی خواردوە، لە دوێنێوە تووشی سكئێشە بووە، ئێستاش پزیشكەكانی سەرقاڵی چارەسەر كردنین".

مەلا عەلی كەڵەك، كە خۆی دەڵێ "پسپۆرە لەبواری پزیشكی نەبەوی" و زۆرجار لێدوانەكانی دەبنە مایەی مشتومڕ و لەلایەن پزیشکان رەتدەکرێنەوە، خواردنی کلینیکس بە چارەسەر دەزانێ‌ بۆ دابەزینی كێشی لەشی مرۆڤ، هەر بۆیە، پێشتر داوای لە خانمان كردبوو "رۆژانە کلینیکس بخۆن، بۆ ئەوەی كەمەریان باریك ببێت ‌و كێشیان دابەزێ‌".

بەڵام د.خاڵس قادر، گوتەبێژی وەزارەتی تەندروستی حكومەتی هەرێمی كوردستان رایگەیاندبوو "خواردنی کلینیکس لەڕووی زانستییەوە هیچ راستی و بنەمایەكی نییە".

|1676 جار خوێندراوەتەوە|