• مۆڵەتنامەی شۆفێری جیهانی داوا بکە
  • krd travel
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦

بەڤیدیۆ.. کچە کوردێک دەسڕەنگینیەکەی بڵاودەکاتەوە

بەڤیدیۆ.. کچە کوردێک دەسڕەنگینیەکەی بڵاودەکاتەوە

کیژێکی کوردی دەستڕەنگین لەڕێگای ئینستاگرامەوە بە کارەکانی هەوادارێکی زۆر لە جیهانەوە سەرسام دەکات، بەردەوام ڕۆژانە بەشێوازی جیاواز ڕێنمایی بڵاودەکاتەوە بۆ ئەوەی سوود لە کەلوپەلەکانی وەک جلوبەرگ و پێلاوە بەکارهاتووەکان وەربگرین فێرمان دەکات چۆن شێوازی بگۆڕین و رێکی بخەینەوە بەستایلێکی مۆدێرن.

ئەم خاتوونە ناوی لێلان سەرهەنگە و لەدایکبووی شاری هەولێرە و تەمەنی 22 ساڵە و لە بەریتانیا دەژی.

سەرەتای خوێندنی هەر لە شاری هۆڵەندا بووە، بەڵام دواتر دەچێتە بەشی "فاشیۆن و دیزاین" لەوێوە زیاتر پەرە بە بەهرەکانی دەدات، لە بواری درومان و ڕێکخستنی جلوبەرگدا دەخوێنێت و بۆ ماوەی شەش ساڵیشە ئەو کارە دەکات وەک پیشەیی تایبەتی خۆی.

دواتر ئەم خاتوونە لەڕێگای تۆڕە کۆمەڵایەتیەکانەوە پەیجێک دروست دەکات و کارەکانی نمایش دەکات، وەک خۆی دەڵێت "سۆشیال میدیا چانسێک بوو بۆ من تا ئاواتەکەم بهێنمەدی و کارەکانم و ستایلەکانم نیشان بدەم".

لە لێدوانێکی تایبەت بۆ خەندان لایف لێلان دەلێت "دایکم گەورەترین هاوکارم بووە بۆ هەموو ژیانم لەپێناو داهاتووم نەک بەتەنها بۆ ئەو بوارەی هەڵمبژاردووە، من پێشتر بۆ کۆمپانیایەکی دانیمارکی کارم کردووە، بەڵام ئێستا بۆ براندێکی هۆڵەندی جیهانی تایبەت بە جینز کاردەکەم".

لێلان ئاماژە بەوەدەکات کە ئێستا سەرقاڵی پڕۆژەیەکی بچوکە هەرچەندە لەلای ئەو پڕۆژەکە گەورەیە، چونکە یەکەم کاریەتی، کە لەڕێگای کۆمپانیایەکەوە ئەنجامی دەدات، بەڵام تا سەرکەوتن بەدەست نەهێنێت بڵاویناکاتەوە

|2751 جار خوێندراوەتەوە|