• reklam570
  • مۆڵەتنامەی شۆفێری جیهانی داوا بکە
  • ریکلام سەرتەک٣
  • SARTAK TRAVEL
  • harem reklam
  • سورین تراڤل
  • شاپۆست تەواو دەبێت لە ١٢-١٢-٢٠١٦
  • ئەرین بۆ کرێدانی ئۆتۆمبێل ١١/٨/٢٠١٧
  • ریکلام ئای ستار
  • سەرتەک تراڤڵ
  • ئەم دوکانە بۆ فرۆستن
  • بۆ فرۆشتن
  • ریکلام١٨٩
  • ریکلام١٨٨
  • سەرتاشێکان دوێت
  • advert
  • barber need in birmingham
  • shop for sale urgent to go
  • سەرتاش
  • REKLAMI-180-4
  • REKLAMI-180-2
  • reklami amozhgari 2-6-2017

لە نێوان ساڵانی ٢٠٠٠ بۆ ٢٠١٥ زیاتر لە ٢٠٧ هەزار منداڵ لە ئەمریکا هاوسەرگیرییان کردووە

لە نێوان ساڵانی ٢٠٠٠ بۆ ٢٠١٥ زیاتر لە ٢٠٧ هەزار منداڵ لە ئەمریکا هاوسەرگیرییان کردووە

بەگوێرەی ئامارێکی ڕێکخراوی (ئەنچەین ئات لاست) کە ڕێکخراوێکی قازانج نەویستە و دژ بە هاوسەرگیری بەزۆر و منداڵانە، لە ئەمریکا دیاردەی هاوسەرگیری خوار تەمەنی یاسایی هێشتا بەربڵاوە و لەنێوان ساڵانی ٢٠٠٠ بۆ ٢٠١٥دا ٢٠٧ هەزار و ٤٦٨ حاڵەتی هاوسەرگیری خوار تەمەنی یاسایی هەبووە.

بەگوێرەی داتاکان، ٨٧%ی ئەوانەی هاوسەرگیرییان ئەنجامداوە کچان بوون و بە زۆری تەمەنیان ١٦ یان ١٧ ساڵ بووە. بچوکترینی منداڵەکانیش کە هاوسەرگیری کردووە، سێ کچی تەمەن ١٠ ساڵان بوون، لە ویلایەتی تێنیسی لە ساڵی ٢٠٠١دا و کوڕێکی ١١ ساڵ بووە لە هەمان ویلایەت لە ساڵی ٢٠٠٦ دا.

لە ویلایەتەکانی ئالاسکا و لویزیانا و کارۆلینای باشوور، منداڵانی تەمەن ١٢ ساڵ هاوسەرگیرییان کردووە و لە ١١ ویلایەتی تریش منداڵانی ١٣ ساڵ هاوسەرگیرییان کردووە، هاوسەرگیرییەکانیش بە یاسایی کراون، سەرەڕای ئەوەی کە منداڵەکان تەمەنیان نەگەیشتووەتە تەمەنی یاسایی هاوسەرگیری.

بەگوێرەی داتاکان، هەزار لەو منداڵانە تەمەنیان ١٤ ساڵ و بەرەوخوار بووە. داتای پێشتری ئەو ڕێکخراوە کە بڵاویکردبووەوە داتایەک بوو بۆ ساڵی ٢٠٠٠ بۆ ٢٠١٠ کە ئاماژەی بەوە کردبوو زیاتر لە ١٦٧ هەزار منداڵ لەو ماوەیەدا هاوسەرگیرییان کردووە.

لە هەمان ماوەدا لە نیویۆرک سێ هەزار و ٨٠٠ منداڵ هاوسەرگیرییان کردووە، بە گوێرەی سەنتەری دادی تاهیری لە ڤێرجینیا چوار هەزار و ٥٠٠ منداڵ هاوسەرگیرییان کردووە لەنێوان ساڵانی ٢٠٠٤ تا ٢٠١٣. لە نیو جێرسی سێ هەزار و ٥٠٠ منداڵ لەنێوان ساڵانی ١٩٩٥ بۆ ٢٠١٢ هاوسەرگیرییان کردووە.

بەگوێرەی زانیارییەکانی ئاژانسی ڕۆیتەرز، ١٧٠ هەزار منداڵ لەنێوان ساڵانی ٢٠٠٠ بۆ ٢٠١٠ لەکۆی ٥٠ ویلایەت لە ٣٨ ویلایەتیان هاوسەرگیرییان کردووە.

بەگوێرەی سەرچاوەکان لە زۆربەی ویلایەتەکانی ئەمریکا ڕێگە بە هاوسەرگیری خوار تەمەنی یاسایی دەدرێت بە شێوەیەک کە مۆڵەت لە دایک و باوکی هەردوو منداڵەکە وەردەگیرێت.

|697 جار خوێندراوەتەوە|