• reklam570
  • مۆڵەتنامەی شۆفێری جیهانی داوا بکە
  • ریکلام سەرتەک٣
  • SARTAK TRAVEL
  • harem reklam
  • سورین تراڤل
  • شاپۆست تەواو دەبێت لە ١٢-١٢-٢٠١٦
  • ئەرین بۆ کرێدانی ئۆتۆمبێل ١١/٨/٢٠١٧
  • ریکلام ئای ستار
  • سەرتەک تراڤڵ
  • ئەم دوکانە بۆ فرۆستن
  • بۆ فرۆشتن
  • ریکلام١٨٩
  • ریکلام١٨٨
  • سەرتاشێکان دوێت
  • advert
  • barber need in birmingham
  • shop for sale urgent to go
  • سەرتاش
  • REKLAMI-180-4
  • REKLAMI-180-2
  • reklami amozhgari 2-6-2017

به‌ڤیدیۆ.. تێچووى ئاهه‌نگى كچی "دادوه‌ره‌ ئاڵتوونییه‌كه‌" هه‌راى نایه‌وه‌

به‌ڤیدیۆ.. تێچووى ئاهه‌نگى كچی \

گرته‌ ڤیدیۆیی ئاهه‌نگى هاوسه‌رگیرى كچی "دادوه‌ره‌ ئاڵوونییه‌كه‌" یه‌لینا خاخالیۆڤا له‌ ویلایه‌تی كراسنۆدار له‌ باشوورى ڕووسیا، كه‌ له‌ 15ى ئه‌م مانگه‌ به‌ڕێوه‌ چوو، له‌ تۆڕه‌ كۆمه‌لایه‌تییه‌كان هه‌را ده‌نێته‌وه‌.

به‌پێی خه‌مڵاندنه‌كان، تێچووى ئاهه‌نگێكى له‌و شێوه‌یه‌، نزیكه‌ى یه‌ك ملیۆن دۆلار ده‌بێت.

له‌و باره‌یه‌وه‌، دیمترى بیسكۆڤ، گوته‌بێژى ڕۆژنامه‌وانى سه‌رۆكى ڕووسیا، ڕای گه‌یاند :" كرملین به‌دواداچوون بۆ هه‌موو جۆره‌ ڕاپۆرتێكى میدیایی ده‌كات، به‌م دوواییانه‌ تێبینی ئه‌و هه‌را میدیاییه‌ى كرد كه‌ له‌ سه‌ر ئاهه‌نگی كچى دادوه‌رێك له‌ باشوورى ڕووسیا درووست بووه‌".

ئاماژه‌ى به‌وه‌ش دا، كه‌ لێدوان له‌ باره‌ى ئه‌و پرسانه‌وه‌، له‌ ده‌سه‌ڵاتى كرملیندا نییه‌، به‌ڵكو ده‌بێت لایه‌نه‌ فه‌رمییه‌كانى دیكه‌ هه‌ڵسه‌نگاندنى بۆ بكه‌ن.

له‌ گرته‌ ڤیدیۆییه‌كاندا، ژماره‌یه‌ك له‌ گۆرانیبێژه‌ به‌ناوبانگه‌كانى ڕووسیا ده‌رده‌كه‌ون، وه‌ك یوسف كۆبزۆن، نیكۆڵاى باسكۆڤ، ڤالیرى میلادزه‌ و ڤییرا بریجنیڤا. به‌ڵام دیاریى سه‌ره‌كى بووك و زاواكه‌، كه‌ بووكێ كچى ژنه‌ دادوه‌رى ڕووسی "خاخالیۆڤا" یه‌ و ناوى (سۆفیا)یه‌ و زاواش له‌ لقێكى لیژنه‌ى لێكۆڵینه‌وه‌ى ڕووسی كار ده‌كات، بریتی بوو له‌ ئۆتۆمبیلێكى گرانبه‌ها له‌ جۆرى (به‌نتلى).

به‌ڵام ژنه‌ دادوه‌ره‌كه‌ ڕه‌تی كرده‌وه‌، ئه‌و ئۆتۆمبیله‌ى پێشكه‌ش به‌ كچه‌كه‌ى و زاواكه‌ى كردبێت، هه‌روه‌ك ئه‌وه‌شى ڕه‌تكرده‌وه‌، كه‌ تێچووى ئاهه‌نگه‌كه‌ بڕى یه‌ك ملیۆن دۆلارى بێت، گوتیشی :" هه‌موو ئه‌و هه‌را میدیاییه‌، پیلانێكه‌ دژ به‌ ئێمه‌، چونكه‌ خه‌رجى ئاهه‌نگه‌كه‌ له‌ ئه‌ستۆى باوكى كچه‌كه‌یه‌ (هاوسه‌رى پێشوو)، كه‌ پیاوێكى سه‌رمایه‌داره‌ و ئه‌و هونه‌رمه‌ندانه‌ش كه‌ به‌شدارییان كرد، هاوڕێی هاوسه‌رى پێشوومن".

میدیا ڕووسیه‌كان باس له‌وه‌ ده‌كه‌ن، كه‌ ئه‌و ژنه‌ دادوه‌ره‌ له‌ هه‌رێمى كراسنۆدار به‌ "دادوه‌ره‌ ئاڵتوونییه‌كه‌" ناسراوه‌ و پسپۆره‌ له‌ یه‌كلاییكردنه‌وه‌ى كێشه‌ى موڵك و زه‌وى و زار. هاوكات هاوسه‌ره‌ پێشووه‌كه‌ى "ڕۆبێرت خاخالیۆڤ"ڕۆڵێكى گرنگى هه‌یه‌ له‌ گه‌وره‌ترین كۆمپانیای كشتوكاڵى، هه‌روه‌ها چه‌ند پرۆژه‌یه‌كی دیكه‌شى هه‌یه‌.

 

لێرە کلیک بکە بۆ بینینی ڤیدیۆکە 

|1692 جار خوێندراوەتەوە|