• reklam570
  • مۆڵەتنامەی شۆفێری جیهانی داوا بکە
  • ریکلام سەرتەک٣
  • SARTAK TRAVEL
  • harem reklam
  • سورین تراڤل
  • شاپۆست تەواو دەبێت لە ١٢-١٢-٢٠١٦
  • ئەرین بۆ کرێدانی ئۆتۆمبێل ١١/٨/٢٠١٧
  • ریکلام ئای ستار
  • سەرتەک تراڤڵ
  • ئەم دوکانە بۆ فرۆستن
  • بۆ فرۆشتن
  • ریکلام١٨٩
  • ریکلام١٨٨
  • سەرتاشێکان دوێت
  • advert
  • barber need in birmingham
  • shop for sale urgent to go
  • سەرتاش
  • REKLAMI-180-4
  • REKLAMI-180-2
  • reklami amozhgari 2-6-2017

لەنیوەشەودا گەڕایەوە و ژنەكەی لەگەڵ پیاوێك بینی

لەنیوەشەودا گەڕایەوە و ژنەكەی لەگەڵ پیاوێك بینی

ك.ه) لە نیوەشەودا ئەركەكەی تەواو دەبێ‌ و دەگەڕێتەوە ماڵەوە، بەڵام تووشی سەرسوڕمان دەبێ‌ كاتێك گەنجێك لەناو ماڵەكەی دەبینێ‌، بۆیە دەستبەجێ‌ هەردووكیان دەكوژێ‌ و دواتر هەڵدێ‌.

بەرەبەیانی رۆژی شەممە 15/7/2017 لە ناحیەی رزگاریی سەر بە قەزای خەباتی پارێزگای هەولێر، ژنێكی تەمەن 23 ساڵان بەناوی (ش.ر) لە نیوەشەودا لەگەڵ كوڕێكی تەمەن 28 ساڵان بەناوی (ك.ت) كە هاتووە بۆ ژووان بۆ لای، پێكەوە دەبینرێن و لەلایەن (ك.ه) كە پاسەوانی فەرمانگەیەكی حكومەت بووە، دەكوژرێن.

یەكێك لە دراوسێكانی ماڵەكە كە شایەتحاڵی رووداوەكە بووە، بە (رووداو)ی گوت "كاژێر 2:30ـی نیوەشەو دەنگە دەنگێك لە كۆڵانەكەوە هات، گوێمان لە هاواری ژن و پیاوێك و گریانی منداڵەكان بوو، چەند خولەكێكی نەبرد دەنگی تەقە و دەستڕێژی گوللە هات، كاتێك چووینە دەرەوە، بینیمان (ك) كە مێردی ژنەكە بوو منداڵێكی لە باوەشدا بوو، منداڵێكیش بەدەستییەوە بوو، خێرا هەڵات".

دوای هەڵاتی پیاوەكە، دراوسێكان پەیوەندی بە پۆلیسەوە دەكەن، شایەتحاڵەكە دەڵێت "بینیمان پیاوێك لەگەڵ (ش) لە چێشتخانەی ماڵەكە كەوتبوون و خەڵتانی خوێن كرابوون، هەریەكەیان چەند گوللەیەكیان پێوەبوو، هەردووكیشیان گیانیان دەرچووبوو".

هەروەها گوتی "ئەو خانووەی خێزانەكەی تێدا دەژیان تازە دروستكرابوو، هێشتا كارەبای بۆ نەبەسترابوو". لەبارەی كوڕەكەشەوە كە چووەتە ماڵەكە دەڵێت "پێشتر ئەو كوڕەمان نەبینیوە بێت بۆ ماڵی ئەو ژنە".

كێشەیان هەبووە

ژنێكی دراوسێی ماڵەكە كە هەندێك ئاگاداری ژیانی ئەو ژن و پیاوە بووە، دەڵێت پێشتریش كێشەیان هەبووە "پێشتریش بەردەوام كێشەیان هەبوو، هەموو دراوسێكان ئەمە دەزانن، هەر بۆیە رووداوەكە بە كێشەیەكی كۆمەڵایەتی دەزانم، بەڵام نازانم هۆكاری كێشەكان ژنەكە بووە یان پیاوەكە".

لەبارەی ئەو كەیسەوە رائید هۆگر عەزیز، گوتەبێژی پۆلیسی هەولێر بە (رووداو)ی گوت "كاژێر سێی شەوی رۆژی شەممە، 15/7/2017 لە حاڵەتێكی تەقەكردن ئاگاداركراینەوە و لەكاتی چوونی هاوكارانمان بۆ شوێنی رووداوەكە، ژنێك و پیاوێكی كوژراو لەناو ماڵەكەدا دۆزرانەوە، دوای لێكۆڵینەوە دەركەوت كە ئەوان لەلایەن مێردی ژنەكەوە كوژراون و هۆكاری تەقەكردنەكەش بۆ ئەوە دەگەڕێتەوە كە مێردی ژنەكە لەوكاتەدا گەڕاوەتەوە و هاوژینەكەی لەگەڵ پیاوێكی نەناسدا بینیوە، دەستبەجێ دەستڕێژی گوللەی لێكردوون و سەرەتا هاوژینەكەی خۆی و دواتریش پیاوەكەی كوشتووە".

گوتەبێژی پۆلیسی هەولێر دەشڵێت "تۆمەتبارەكە ناوی (ك. ه)ـە و مێردی ژنەكەیە و تەمەنی 28 ساڵە، دوای ئەوەی هەردووكیانی كوشتووە، بەرەو شوێنێكی نادیار هەڵاتووە، بەڵام لەلایەن دادوەرەوە فەرمانی دەستگیركردنی بۆ دەرچووە، تیمەكانیشمان لە هەوڵی دۆزینەوە و دەستگیركردنیدان".

رائید هۆگر عەزیز دەشڵێت: "ئێستا تەرمی هەردوو كوژراوەكە لە پزیشكی دادی هەولێرە و توێكاری و لێكۆڵینەوەیان لەسەر دەكرێت".

|1868 جار خوێندراوەتەوە|