• krd travel
  • هاوکاری پەنابەران
  • REKLAM 570
  • ENJAZA
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • خەسێک بۆ فرۆشتن
  • فیربوونی زمانی ئینگلیزی
  • reklam180
  • reklam180
  • reklam180
  • reklam180
  • reklam180
  • بۆ فرۆشتن
  • ئای ستار
  • reklam180-3
  • ژیان لە بەریتانیا
  • کتێبی شۆفێری

ئایا دانانی نان و سەمون لە ساردکەرەوەدا سودی هەیە یان زیان ؟

ئایا دانانی نان و سەمون لە ساردکەرەوەدا سودی هەیە یان زیان ؟
پسپۆڕان دەڵێن دانانى نان و سەموون لە ساردکەرەوەدا تێکچوون و پرۆسەی کەڕووکردنەکەیان خێراتر دەکات.
 
زۆربەی خانەوادە و کابانەکان نان و سەموون لە ساردکەرەوەدا هەڵدەگرن، ئەوەش بەمەبەستی پاراستنیان لە تێکچوون، بەڵام پسپۆڕان و پزیشکان لەو بارەیەوە هۆشداری دەدەن و بە کارێکی هەڵە و ناتەندروستی دەزانن.
 
پسپۆڕان ئاشکرای دەکەن: کاتێک نان یان سەموون دەبرژێندرێت، گەردیلەکانی نیشاستەکە بەکاریگەریی گەرمی خۆیان ڕێکدەخەنەوە، دواى ساردبوونەوەى نان یان سەموونەکەش، گەردیلەکان دەگەڕێنەوە بۆ دۆخی ئاسایی خۆیان، ئەوەش وا دەکات نان و سەموون بەرەو قۆناغی ڕەقبوون و کەڕووکردن بڕۆن.
 
پسپۆڕان ئاماژە بۆ ئەوەش دەکەن: ئەگەر نان و سەموون لە ساردکەرەوەدا دابنرێن، ئەوا پرۆسەی وشکبوون و ڕەقبوون و کەڕووکردنەکەیان خێراتر دەبێت و زووتر تێکدەچن، چونکە لە پلەى گەرمیی نزمى ناو ئەو ئامێرەدا، گەردیلەکانى نیشتاستەکە بەشێوەیەکی خێراتر خۆیان ڕێکدەخەنەوە.
 
بەپێی وتەى ئەو پسپۆڕانە، دانانى نان و سەموون لە فرێزەر و بەفرگردا ئەو دوو خۆراکە تووشی هیچ گرفتێک ناکات، بەڵام پێویستە لە نایلۆنێکدا دابنرێن و دەمى نایلۆنەکەش بە باشی دابخرێت.
|1540 جار خوێندراوەتەوە|