• krd travel
  • هاوکاری پەنابەران
  • REKLAM 570
  • ENJAZA
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • خەسێک بۆ فرۆشتن
  • فیربوونی زمانی ئینگلیزی
  • reklam180
  • reklam180
  • reklam180
  • reklam180
  • reklam180
  • بۆ فرۆشتن
  • ئای ستار
  • reklam180-3
  • ژیان لە بەریتانیا
  • کتێبی شۆفێری

پێش لە داگیرساندنی ئۆتۆمۆبیلەکەت ئەم کارانە بکە

پێش لە داگیرساندنی ئۆتۆمۆبیلەکەت ئەم کارانە بکە
زۆربەی ئه‌وانه‌ی ئۆتۆمبێلیان هه‌یه، ‌له‌ هاوین و زستاندا رۆژانه‌ و به به‌رده‌وامی ته‌بریدی ئۆتۆمبێل به‌كار ده‌هێنن، به‌ڵام به‌رله‌ كارپێكردنی پێویسته‌ ئه‌م كاره‌ بكه‌ن، بۆ ئه‌وه‌ی مه‌ترسی له‌سه‌ر ژیانتان دروست نه‌بێت.
 
به‌گوێره‌ی توێژینه‌وه‌یه‌كی نوێی زانستی ده‌ركه‌وتووه‌، كه‌ ئاشكرایه‌ سوكانی ئۆتۆمبێل و كورسییه‌كانی دانیشتن و كه‌ناڵه‌كانی هاتنه‌ ده‌ره‌وه‌ی هه‌وای ته‌برد و ده‌ژبوولی ئۆتۆمبێل و زۆربه‌ی شوێنه‌كانی تری ناوه‌وه‌ی ئۆتۆمبێل له‌ ماده‌ی پلاستیك پێكهاتوون، جگه‌له‌وه‌ی به‌نزینی ژه‌هراویش كاریگه‌ری ده‌خاته‌ سه‌رمان و هه‌موو ئه‌مانه‌ش هۆكاری سه‌ره‌كی تووشبوون به‌ شێرپه‌نجه‌.
 
له‌كاتی سووتانی به‌نزین بۆ رۆشتنی ئۆتۆمبێله‌كه‌، جۆره‌ گازێك له‌ پرۆسه‌ی سوتاندنه‌كه‌ دروست ده‌بێ، كه‌ ژه‌هراوییه‌ و ماسولكه‌كان ژه‌هراوی ده‌كات و ده‌بێته‌ هۆی كه‌مكردنه‌وه‌ی رێژه‌ی خڕۆكه‌ سپییه‌كان له‌ خوێندا و هه‌موو ئه‌مانه‌ش سیستمی به‌رگری له‌ش بێهێز ده‌كه‌ن، جگه‌له‌وه‌ش ئه‌و گازه‌ی له‌ به‌نزین ده‌رده‌چێت كاریگه‌ری زۆر خراپ له‌سه‌ر ئافره‌تانی دووگیان داده‌نێت.
 
له‌ رێژه‌ی پێیه‌كی سێجای به‌نزین 50 ملیگرام گاز له‌ به‌نزینه‌كه‌ ده‌رده‌چێت. ئه‌گه‌ر ئۆتۆمبێلێك بوه‌ستێت و جامه‌كانی داخراوه‌ بن 400 تا 800 ملیگرام گاز له‌ به‌نزین دروست ده‌بێ، ئه‌گه‌ر پله‌ی گه‌رماش له‌و كاته‌دا له‌سه‌رووی 15 پله‌ی سیلیزییه‌وه‌ بێ، ئه‌وا گازه‌كه‌ بۆ 2 تا 4 هه‌زار ملیگرام به‌رز ده‌بێته‌وه‌.
 
بۆیه‌ توێژینه‌وه‌كه‌ پێشنیاز ده‌كات، له‌ هه‌ر دۆخ و بارێكدا بێ، پێویسته‌ به‌ر له‌وه‌ی ته‌بریدی ئۆتۆمبێل دابگیرسێنین، جامی ئۆتۆمبێله‌كان بكه‌ین به‌لایه‌نی كه‌م 15 ده‌قه‌ پێویسته‌ جامه‌كان كراوه‌ بن، بۆ ئه‌وه‌ی گاز و كارلێكی پلاستیكی به‌كارهێنراو له‌ دروستكردنی ئۆتۆمبێله‌كه‌ بچنه‌ ده‌ره‌وه‌ی ئۆتۆمبێله‌كه‌، گه‌ر به‌و شێوه‌یه‌ نه‌كه‌ن، ئه‌وا گازه‌كه‌ و كارلێككردنی له‌گه‌ڵ پلاستیك جۆره‌ هه‌وایه‌كی زیانبه‌خش دروست ده‌كه‌ن، كه‌ به‌خێرایی كاریگه‌ری له‌سه‌ر گورچیله‌ و جگه‌ری مرۆڤ به‌ جێ ده‌هێڵن و سیستمی به‌رگری له‌شیش هێنده‌ بێهێز ده‌كه‌ن، كه‌ به‌ ئاسانی خانه‌ی شێرپه‌نجه‌یی تێدا دروست ده‌بێت.
|2036 جار خوێندراوەتەوە|