• krd trvel
  • krd travel
  • مۆڵەتنامەی شۆفێری جیهانی داوا بکە
  • reklam570
  • reklam5770
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • سەرتەک تراڤڵ
  • خەسلیک بۆ فرۆشتن
  • بۆ فرۆشتن
  • هەلی کار
  • shop for sale
  • reklam180
  • خولی سەرتاشین

خانمە بێژەرێک لە پەخشی راستەوخۆدا منداڵی دەبێت

خانمە بێژەرێک لە پەخشی راستەوخۆدا منداڵی دەبێت

بێژەرێکی ئەمەریکی لە پەخشی راستەوخۆداو لەکاتی پێشکەشکردنی بەرنامەیەکی بەیانیاندا منداڵی دەبێت و دەبێتە ورووژێنەرترین حاڵەتی ئەو رۆژە لای بیسەرەکانی.

بەگوێرەی هەواڵێکی BBC ئەو کچە پێشکەشکارە بەناوی کاسیدای برۆکتۆر هەموو بەیانییەک بەرنامەیەکی کۆمەڵایەتی لە رادیۆی "زە ئارک"ی ئەمەریکی لە شاری سانت لویس پێشكەشکردووە، بەڵام ئەوەی جێگەی سەرنجە دوای ئەوەی ماوەی دووگیانییەکەی نزیک دەبێتەوە لە منداڵبوون، بەرنامەی رۆژی سێشەممەی دەباتە یەکێک لە نەخۆشخانەکانی منداڵبوونەوەو لە پەخشی راستەوخۆدا منداڵی دەبێت.

برۆکتۆر رۆژی دووشەممەی هەفتەی رابردوو هەست بە ئازار دەکات، دواتر دڵنیا دەبێتەوە کە منداڵبوونەکەی نزیکە هەربۆیە ئیدارەی رادیۆکەو نەخۆشخانەی منداڵبوونەکە قایل دەکات لە هۆڵی نەشتەرگەری منداڵبوون بەرنامەی ئەو رۆژەی پێشکەشبکات، دوای قایلبوون هەموو پلانەکەیان دەگاتە لوتکەو لە پەخشی راستەوخۆدا منداڵێکی کوڕی دەبێت.

هەمان سەرچاوە ئاماژەی بەوە کردووە ماوەی دوو هەفتە پێش کاتی خۆی کاسیدای برۆکتۆر ئەو منداڵەی بووە، بەڵام ئەو ژنە پێشكەشکارە ئەوەی راگەیاندووە، چونکە حاڵەتەکە کتوپڕبووە هیچ پلانێکی پێشوەختەیان بۆ ئەو منداڵبوونە نەبووە.

لە بەشێکی قسەکانیدا بۆ BBC ئەو خانمە پێشکەشکارە وتوویەتی "کارێکی جوان و ناوازەیە گوێگری رادیۆکەم زیاتر لە بەشێکی ژیانی من شارەزان و پێی ئاشنابوون، من بەردەوام لە بەرنامەکانمدا باس لە ژیانی تایبەتی خۆم دەکەم و ئارەزووم دەکرد پرۆسەی منداڵبوونەکەشم لەگەڵ ئەواندا بێت و راستەوخۆ ئاگاداری بن".

لەو کاتەوەی دووگیان بووە داوای لە گوێگرانی رادیۆکەی کردووە ناوێک بۆ منداڵەکەی دابنێن و هەربۆیە بەکۆی دەنگ ناویان ناوە جیمسۆن.
کاسیدای برۆکتۆر بۆ ماوەیەک لە گوێگرەکانی دووردەکەوێتەوەو مۆڵەتی دایکایەتی وەردەگرێت.

ئەو خانمە لەو رادیۆیەدا پێشکەشکاربووەو هەم بێژەری هەواڵیش بووە، لەکاتی منداڵبوونەکەیەدا سەرجەم ئەو کەرەستانەی پێویستبوون بۆ پەخش و ئامادەکاری بەرنامەکە، لە ژووری نەشتەرگەری ئامادەکرابوون.

|1709 جار خوێندراوەتەوە|