• krd trvel
  • krd travel
  • مۆڵەتنامەی شۆفێری جیهانی داوا بکە
  • reklam570
  • reklam5770
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • سەرتەک تراڤڵ
  • خەسلیک بۆ فرۆشتن
  • بۆ فرۆشتن
  • هەلی کار
  • shop for sale
  • reklam180
  • خولی سەرتاشین

سەرخەوشکاندن توانای ئەزبەرکردن زیاددەکات

سەرخەوشکاندن توانای ئەزبەرکردن زیاددەکات

توێژینەوەیەکی زانستی دەریخستووە پاش وەرگرتنی زانیارییەکی نوێ، خەوەنووچکەیەکی 10 خولەکیی توانای مێشک زیاددەکات بۆ بیرکەوتنەوەی وردەکاریی ئەو زانیارییەی وەرگیراوە.

خەو و یادەوەریی مرۆڤ دۆستی گیانی بە گیانی یەکدین. خەوتن رێوشوێنەکانی لەبیرکردنی زانیارییەکان دەوەستێنێ، یادەوەریی مرۆڤیش بەبێ خەوێکی باش ئاستەمە بتوانێ زانیارییەکان هەڵبگرێ و وردەکارییەکانیانی بیربکەوێتەوە.

پێشووتر توێژینەوەی زانستیی دەریانخستووە خەوتن هۆکاری سەرەکیی چەسپاندنی ئەو زانیاریانەیە کەمێشک لەکاتی بەخەبەربووندا وەریاندەگرێ، هەروەک پاش لەخەوهەستانیش توانای وەرگرتنی زانیاریی نوێ زیاترە.

توێژینەوە نوێیەکە لە زانکۆی ئەدنبەرەی بەریتانیا ئەنجامدراوە و دەریخستووە خەوەنووچکەیەکی کورت بۆ ماوەی 10 خولەک، ئەگەر تەنیا وەنەوزیش بێ و کەسەکە خەوی تەواوی لێنەکەوێ، توانای مێشک بۆ چەسپاندنی زانیارییە نوێیەکان و بیرکەوتنەوەی وردەکارییەکانیان زیاددەکات.

بەشدارانی توێژینەوەکە 60 کوڕ و کچ بوون کە تێکڕای تەمەنیان 21 ساڵان بووە.

پاش پێشاندانی چەند وێنەیەک بە بەشداران، بەشێکیان نێردران بۆ خەوەنووچکەیەکی کورت و بەشێکی دیکەیان ئەو پشووە کورتەیان وەرنەگرت.

توێژەران تێبینییانکرد، ئەو کوڕ و کچانەی سەرخەوشکاندنە کورتەکەیان کردبوو، باشتر وردەکاریی وێنەکانیان دەزانی و هەستیان بە جیاوازییە وردەکانی نێوان وێنەکان دەکرد.

توێژەرەکان دەڵێن هۆکار ئەوەیە، ئەو خەوەنووچکە چەند خولەکییە وادەکات مێشک توانای زیاتربێت لە چەسپاندنی وردەکاریی زانیارییەکان و دواتر بیرکەوتنەوەیان.

ئەنجامی توێژینەوە نوێیەکە لە جۆرناڵی زانستیی (Nature Scientific Reports) بڵاوبووەتەوە.

|1254 جار خوێندراوەتەوە|