بەوێنە.. رۆناڵدینیۆ دوو ژن دەهێنێت

یاریزانی بەناوبانگی پێشووی بەرازیل و یانەی بەرشەلۆنە رۆناڵدینیۆ، بەمزووانە ژیانی هاوسەرگیری لەگەڵ دوو کچ پێکدەهێنێت.

بەگوێرەی هەواڵێکی "دەیلی مەیلی" بەریتانیا، رۆناڵدینیۆی تەمەن 38 ساڵ، لە ئێستادا لەگەڵ هەردوو خۆشەویستەکەی "پریسیلا کویلهو، پیاتریس سۆزا" لە یەکێک لە کۆشکەکانی لە ناوچەی "ریۆ دی  جانیرۆ" لە بەرازیل دەژی کە ماوەیەکی  زۆرە پەیوەندی سۆزداری لەگەڵیاندا هەیە، بڕیاریشە لە مانگی ئابی ئەمساڵ ئاهەنگی هاوسەرگیری لەگەڵ هەردووکیان ئەنجام بدات.

بەپێی زانیاریەکانیش لە یاساکانی بەرازیلدا نابێت هیچ پیاوێک دوو ژن بهێنێت لە یەک کاتدا، چونکە سزاکەی شەش ساڵ زیندانییە، بەڵام نازانرێت رۆناڵدینیۆ چۆن رووبەرووی ئەم یاسایە دەبێتەوە، تا ئێستاش بڕی 200 هەزار دۆلاری پێشکەشی هەردوو خۆشەویستەکەی کردووە، بۆ مانگی هەنگوینیش گەشتێک دەکەن.