• krd trvel
  • krd travel
  • مۆڵەتنامەی شۆفێری جیهانی داوا بکە
  • reklam570
  • reklam5770
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • سەرتەک تراڤڵ
  • خەسلیک بۆ فرۆشتن
  • بۆ فرۆشتن
  • هەلی کار
  • shop for sale
  • reklam180
  • خولی سەرتاشین

چەرەس دژی قەڵەوی و نەخۆشییەکانی دڵە

چەرەس دژی قەڵەوی و نەخۆشییەکانی دڵە

توێژینەوەیەکی پزیشکی نوێی ئەمریکی دەریخستووە رۆژانە خواردنی بڕێکی کەم لە چەرەسەکان ئەگەری قەڵەوبوون و تووشبوون بە نەخۆشییەکانی دڵ کەمدەکاتەوە.

توێژینەوەکە لە زانکۆی هارڤاردی ئەمریکا ئەنجامدراوە و لە کۆنگرەی (کۆمەڵەی نەخۆشییەکانی دڵ لە ئەمریکا) پێشکەشکرا کە لە شاری شیکاگۆ بەڕیوەدەچێ.

توێژەرەکان دەڵێن پێکهاتەکانی نێو چەرەسەکان دژی قەڵەوین، ئەگەر رۆژانە تەنیا 28 گرامیان لێبخورێت، هەروەک بە چەورییە سوودبەخشەکان دەوڵەمەندن کە گرنگن بۆ پاراستنی تەندروستیی دڵ و لوولەکانی خوێن.

توێژینەوەکە سوودی لە داتا تەندروستییەکانی 126 هەزار خانم و پیاو وەرگرتووە کە تووشبووی نەخۆشییە درێژخایەنەکان بوون و چوار ساڵ جارێک فۆرمێکیان پڕکردووەتەوە سەبارەت بە خواردنی رۆژانەی چەرەسەکان بە گشتی و گوێز بە تایبەتی.

لە ئەنجامدا دەرکەوت ئەوانەیان کە رۆژانە دەورەبەری 30 گرام چەرەس دەخۆن، کێشیان تەندروستانەترە و ئەگەری تووشبوونیان بە نەخۆشییەکانی دڵ و لوولەکانی خوێن کەمترە.

توێژەرەکان گوتوویانە جێگرتنەوەی بەشێک لە خواردنەکانی وەک گۆشتی سوور، پەتاتەی سوورەوەکراو و سووکەژەمە شیرینییەکان بە دەوروبەری 30 گرام چەرەس رێگە لەو زیادبوونە هێواشە دەگرێت کە لەگەڵ چوونە تەمەندا لە کێشی جەستەدا روودەدات، هەروەها ئەگەری تووشبوون بە نەخۆشییەکانی دڵ و لوولەکانی خوێن کەمدەکاتەوە.

|466 جار خوێندراوەتەوە|