• krd travel
  • مۆڵەتنامەی شۆفێری جیهانی
  • هاوکاری پەنابەران
  • REKLAM 570
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • بۆ فرۆشتن
  • ئای ستار
  • مۆڵەتی سەرتاشین
  • reklam180-3
  • ژیان لە بەریتانیا
  • کتێبی شۆفێری

​ کاریگەرییەکانی خواردنی قارچک لەسەر تەندروستى مێشک

​ کاریگەرییەکانی خواردنی قارچک لەسەر تەندروستى مێشک

لە توێژینەوەیەکی نوێدا زاناکان ئاشکرایان کردووە، کە خواردنی قارچک، ئەگەری هەیە ڕێگریی بکات لە دەرکەوتنی گرفت لە بیرکەوتنەوە و توانای قسەکردندا پاش تەمەنی ٦٠ ساڵی.

لە بابەتێکی تەندروستییدا ماڵپەڕی بی بی سی ئاماژەی بە توێژینەوەیەکی نوێ کردووە، کە تیایدا زاناکان ئەوەیان خستووەتەڕوو، ئەگەر لە هەفتەیەکدا دوو جار قارچک بخورێت، ئەگەری هەیە کەسەکە لە گرفتە ژیرییەکانی پیری وەکو لەبیرچوونەوە و کێشەکانی توانای قسەکردن بپارێزێت.

لە توێژینەوەیەکی زانکۆی سینگاپوری نێودەوڵەتیدا، زاناکان دەریانخستووە، ئەو کەسانەی کە بە بەردەوامی قارچکیان خواردووە، لە تاقیکردنەوە ژیرییەکان زۆر باشتربوون بە بەراورد بەوانەی کە قارچک لە خۆراکی ڕۆژانەیاندا نەبووە.

لە بابەتەکدا ئاماژە بەوە کراوە، ماددەیەکی ئەنتایئۆکسیدێند لە ناو پێکهاتەی قارچکدا هەیە کە سەلمێنراوە کاریگەرییە نەرێینییەکانی پیری بە تایبەت دروستبوونی گرفت لە توانای قسەکردن و بیرکەوتنەوەی ڕابردوو کەمدەکاتەوە.

بە پێی دەرەنجامەکانی توێژینەوەکە کە ماوەی ٦ ساڵی خایاندووە، ئەو کەسانەی بە لایەنی کەمەوە دوو ڕۆژ لە هەفتەیەکدا قارچکیان خواردبوو، ٩%ی ئەو کەسانە تووشی ئەو گرفتە ژیریانە بوون، لە کاتێکدا ئەوانەی کە  قارچک لە خۆراکی ڕۆژانەیاندا نەبوو، ١٩%ی ئەو کەسانە تووشی گرفتە ژیرییەکان بوون.

|938 جار خوێندراوەتەوە|