• مۆڵەتنامەی شۆفێری جیهانی داوا بکە
  • reklam5770
  • krd travel
  • reklam 570
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • barber
  • ISTAR2
  • reklam180
  • reklam180
  • reklam180
  • کتیبی شۆفێری بە کوردی و ئینگلیزی

ئایا مۆبایل و شەپۆلی تاوەرەکان دەبنەهۆی هۆى شێرپەنجە؟

ئایا مۆبایل و شەپۆلی تاوەرەکان دەبنەهۆی هۆى شێرپەنجە؟

لەوکاتەوەى مۆبایل داهێنراوە، پرسی ئەوەى ئایا دەبێتە هۆى شێرپەنجە یان نا، بووەتە جێ باس و ئەمەش واى لە زانایان کردووە بکەونە گەڕان بەدواى وەڵام.

لەم دوو دەیەى رابروودا دەیان توێژینەوە دەربارەى پەیوەندیی مۆبایل بە شێرپەنجەکانى سەر و مل (مێشک و پەردەکانى لەگەڵ لیکە رژێنەکان) کراون، هیچ یەکێک لەوانە بە تەواوى نەگەیشتووەتە ئەوەى بتوانێت بیسەلمێنێت مۆبایل دەبێتە هۆى شێرپەنجە؛ بەڵام ئەگەرێکى نەسەلمێنراو هێڵراوەتەوە، بۆیە بەپێى دواین راپۆرتى (ئاژانسى نێودەوڵەتیی لێکۆڵینەوە لە شێرپەنجە-International Agency for Research on Cancer)، کە دەزگایەکى سەر بە رێکخراوى تەندروستیی جیهانیی تایبەت بەو بوارەیە و کارى سەرەکیی هەوڵدانە بۆ دۆزینەوەى هۆکارە جیاوازەکانى نەخۆشییەکە، ئەگەرى ئەوە هەیە شەپۆڵەکانى مۆبایل ببنە هۆى شێرپەنجە.

بەپێى لێکۆڵینەوە زانستییەکان، ئەگەر ئەو ئەگەرە هەبێت، ئەوە لە منداڵ و هەرزەکاران زیاترە، بۆیە پێویستە ئەوان لە گەوران زیاتر بەدوور بگیرێن لە مۆبایل. هەر وەک مۆبایل چەند لە جەستەوە دوور بێت، ئەوەندە ئەو ئەگەرەى شێرپەنجە کەم دەبێتەوە، بەتایبەت ئەگەر نزیکەى 40 سم لە جەستەوە دوور بێت.

بە شێوەیەکى گشتى بەجێهێنانى ئەم رێنماییانە دەبێتەهۆى کەمکردنەوەى ئەگەرەکانى شێرپەنجە:
- بەکارهێنانى ئامێرى مۆبایلى کواڵیتى بەرز
- بەکارهێنانى (بلووتووس) و (هێدفۆن) لە کاتى پەیوەندییى ماوە درێژدا
- پەیوەندى نەکردن و وەرنەگرتن لەو کاتانەى (شەبەکە) زۆر لاوازە
- هەموو جارێک مۆبایل نەخرێتە بەر هەمان گوێ
- زیاتر بەکارهێنانى کورتەنامە لەجیاتى پەیوەندی
- ماوەی پەیوەندییەکان تا بکرێ کەمبکرێتەوە
- شەوان مۆبایل نەخرێتە ژێر سەر
- منداڵان مۆبایل بەکارنەهێنن.

شەپۆلی تاوەرەکانی مۆبایل دەبنەهۆی شێرپەنجە؟
هەمان ئەو قسە و باسانە لەسەر تاوەرەکانى مۆبایلیش هەیە. ئەگەرچی (ئاژانسی فەڕەنسی بۆ سەلامەتیی تەندروستیی ژینگە) جەخت لەوە دەکاتەوە کە هیچ بەڵگەیەک لەبەردەستدا نییە بیسەلمێنێت شەپۆڵەکانى ئەو تاوەرانە ببنە هۆى شێرپەنجە، بەڵام دیسانەوە دەزگا پەیوەندیدارەکان بۆ دڵنیا بوونەوەى زیاتر، مەرجى ئەوە دادەنێن کە نابێت تاوەرەکانى مۆبایل لە دووریی کەمتر لە 100 مەتر لە دایەنگا و باخچەکانى منداڵان و قوتابخانەکانى بنەڕەتییەوە دابنرێن.

* مامۆستاى (IT) لە زانکۆى (تیشک)ى نێودەوڵەتى

|269 جار خوێندراوەتەوە|