• مۆڵەتنامەی شۆفێری جیهانی داوا بکە
  • krd travel
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦

ئەو خانمانەی لاسەرئێشەیان هەیە زۆرتر تووشی گرفتەکانی دووگیانی دەبنەوە

زانکۆی ئارهۆس لە دانیمارک رایدەگەیێنێت ئەو خانمانەی لاسەرئێشەیان هەیە لە ماوەی دووگیانی زیاتر تووشی گرفتەکانی پەیوەست بە دووگیانبوون دەبنەوە.

پزیشکانی زانکۆ دانیمارکیەکە لە توێژینەوەیەکی نوێیاندا کە د. نیلس سکاجا سەرپەرشتی کردووە بۆیاندەرکەوتووە، ئەو خانمانەی بەدەست شەقیقەوە دەناڵێنن لەماوەی دووگیانی، هەم خۆیان و هەمیش کۆرپەکەیان تووشی هەندێک گرفت دەبنەوە.

د. نیلس سکاجا، پسپۆڕی تەندروستی کۆمەڵگە دەڵێت: ئەو خانمانەی لاسەرئێشەیان هەیە و دووگیان دەبن مەترسیی لەبارچوون و منداڵبوونی پێشوەختەیان زیاترە، هەروەها منداڵی ئەو خانمانە لەوانەیە بە کێشێکی کەمتر لەدایکببن.

توێژینەوەکەی زانکۆی ئارهۆس لەسەر 22 هەزار خانمی دووگیان ئەنجامدراوە، سەرەنجام پزیشکانی توێژەر بۆیاندەرکەوتووە، ئەو خانمانەی لاسەرئێشەیان هەیە و دووگیان دەبن جگە لە گرفتەکانی دیکە بەڵکو ئەگەری منداڵبوونیان بە نەشتەرگەریش بەرێژەی %15-20 زیاتردەبێت.

پزیشکانی دانیمارکی دەشڵێن ئەم کاریگەرییە لەو خانمانە بەدیدەکرێت کە لاسەرئێشەکەیان کۆنترۆڵ نییە و چارەسەر وەرناگرن، واتە ئەو خانمانەی لاسەرئێشەیان هەیە و دەرمان وەردەگرن کەمتر تووشی ئەو گرفتانە دەبنەوە لەماوەی دووگیانیدا.

|481 جار خوێندراوەتەوە|