• مۆڵەتنامەی شۆفێری جیهانی داوا بکە
  • krd travel
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦

کامانەن ئەو نیشانانەی خۆربردن کە پشگوێدەخرێن؟

کامانەن ئەو نیشانانەی خۆربردن کە پشگوێدەخرێن؟

پزیشکێکی پسپۆڕی خێزانی هۆشداریدەدات لەبارەی بەرزبوونەوەی پلەکانی گەرما و رایدەگەیێنێت ئارەقەکردن و بەخێرایی هەناسەدان دوو لە نیشانەکانی خۆربردنن کە زۆرجار پشتگوێدەخرێن.

د. ستێرلینگ رانسۆن، پزیشکی پسپۆڕی خێزانی لە زانکۆی ڤێرجینیا دەڵێت: بەرزبوونەوەی پلەکانی گەرما مەترسیی خۆربردن زیاتردەکات، بەتایبەت لەوانەی لە دەرەوەن و بەرکەوتنی راستەخۆیان بەر تیشکی خۆر هەیە یان بەساڵاچوون، دووگیان و منداڵن.

پزیشکە پسپۆڕەکەی خێزان روونیدەکاتەوە، زۆربەی خەڵکی نیشانە سەرەتاییەکانی خۆربردن پشگوێدەخەن بەتایبەت ئارەقەکردنێکی زۆر و زیادبوونی هەناسەدان.

د. ستێرلینگ دەشڵێت: خۆربردن ئەو کاتە روودەدات کە سیستەمی رێکخستنی جەستە پەکی دەکەوێت، جەستە ناتوانێت خۆی لەو گەرمایە زۆرە رزگاربکات، بەمەش کەسەکە تووشی هێڵنج، گەشکە، گێژبوون، بێهێزی، تێکچوونی لێدانەکانی دڵ و هەناسە، خەواڵوویی و تەنانەت لەهۆشخۆچوونیش دەبێت.

بەپێی ئامارەکانی سەنتەری کۆنترۆڵکردن و پێشگیریکردن لە نەخۆشییەکانی ئەمریکا، ساڵانە لەو وڵاتە زیاتر لە 600 کەس، بەهۆی خۆربردن گیانلەدەستدەدەن، بۆیە داوادەکات خەڵکی رێگە خۆپارێزییەکان دژی ئەو گەرمایە زۆرە بگرنەبەر.

|464 جار خوێندراوەتەوە|