٦ جۆری ماسی ھاوسەنگی شەکرە رادەگرێت

ماسی بەتایبەت چەورەکان لەخۆراکە بەسودەکانە بۆ کەسانی ئاسایی و ئەوانەی توشی نەخۆشییە درێژخایەنەکان بوون وەک دڵ و مولولەکانی خوێن و شەکرە بەھۆی بونی زۆرێک لەرەگەزە خۆراکییەکانەوە کەھاوکارە لەرێکخستنی فشار و شەکر لەخوێندا.

وێبسایتی Everyday health لیستی ئەو جۆرە ماسیانەی ئاشکراکردوە کەبەسودە بۆ توشبوانی شەکرە.

١- سەلمۆن: چونکە زۆرێک رەگەزی خۆراکی بەسوودی تێدایە بۆ رێکخستنی رێژەی شەکر لەخوێندا وەک ئۆمیگا ٣.

٢- بەڵتی : ئەمەش چەوری کەمە و پرۆتینی زۆرە و نابێ زۆر بخورێت بۆ پاراستنی رێژەی شکر لەخوێندا و پێویستە لەگەڵیدا زەڵاتە بخورێت بۆ سود وەرگرتن لەریشاڵەکانی کەدەبێتە ھۆی کەمکردنەوەی رێژەی مژینی لەش بۆ شەکر لەخوێندا.

٣- رۆبیان: ئەمەش کۆلیسترۆڵی زۆرە و ھەفتەی ١ یان ٢ جار دەبێ بخورێت 

٤- محار (مرواری) : ئەمیش بەسوودە بۆ توشبوانی شەکرە جۆری ٢ بەھۆی بونی ڤیتامین بی ١٢ و بی ٢ و ئاسن و پرۆتینەوە

٥- تونە: ئەمەش ئۆمیگا ٣ی تێدایە بۆ رێکخستنی رێژەی شەکر لەخوێندا بەسودە

٦- سەردین: کالیسیۆمی تێدایە کەبەسوودە بۆ بەھێزکردنی ئێسک و شاشبونی، لەگەڵ ڤیتامین دی کەئەگەری توشبون بەشەکرە لەجۆری ٢ کەم دەکاتەوە، سەرباری ئۆمیگا ٣ کەرێژەی شەکر لەخوێندا رادەگرێت.