• مۆڵەتنامەی شۆفێری جیهانی داوا بکە
  • reklam5770
  • krd travel
  • reklam 570
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • driving test
  • life in uk test in kurdish
  • car wash for sale
  • barber
  • ISTAR2
  • reklam180

دەرمانێکی نوێ بۆ رێگریکردن لە جەڵتەی دڵ تاقیدەکرێتەوە

دەرمانێکی نوێ بۆ رێگریکردن لە جەڵتەی دڵ تاقیدەکرێتەوە

لە توێژینەوەیەکی هاوبەشدا پزیشکانی بەریتانی و ئێرانی دەرمانێکیان دروستکردووە کە تێکەڵەی چوار دەرمانی دیکە و دەتوانێت مەترسیی جەڵتەی دڵ کەمبکاتەوە.

توێژینەوەکە لە جۆرناڵی پزیشکی لانسێت بڵاوکراوەتەوە و لەسەر 6800 کەس ئەنجامدراوە و بۆماوەی پێنج ساڵ بەدواداچوونیان بۆ کراوە.

تۆم مارشال، پرۆفیسۆری لە زانکۆی بریمینگهام لە بەریتانیا و بەشداربووی توێژینەوەکە دەڵێت: وڵاتە هەژار و داهات مامناوەندەکان سوودێکی زیاتر لەم دەرمانە وەردەگرن، چونکە نەخۆش لەبری وەرگرتنی چوار دەرمانی جیاواز، دەتوانێت تەنیا یەک دەرمانی پێبدرێت.

پرۆفیسۆرە بەریتانییەکە روونیدەکاتەوە دەرمانەکە دەتوانێت ئاستی کۆلیسترۆلی زیانبەخش کەمبکاتەوە بەڵام کاریگەرییەکی ئەوتۆی لەسەر پەستانی خوێن نییە.

د. نیزال سەرەف زادێگان، پزیشک لە زانکۆی پزیشکی ئەسفەهان دەڵێت: نەخۆشییەکانی دڵ یەکەم هۆکاری مردنن لە جیهاندا، بە رێکسختنەوەی خۆراک و خواردنی رێکوپێکی دەرمانەکان دەتوانرێت مەترسییە نەخۆشییەکە کەمبکرێتەوە.

بیرۆکەی دروستکردنی دەرمانێکی هاوشێوە کە تێکەڵەیەکی چواردەرمان بێت بۆ رێگریکردن لە جەڵتەی دڵ، دەگەڕێتەوە بۆ ساڵی 2001 بەڵام ئەمە یەکەمجارە تاقیبکرێتەوە و پزیشکان هیواخوازن بە دڵنیابوونەوە لە کاریگەرییەکانی دەرمانەکە، بیخەنە بازار بەمەش هەم رێگە لە حاڵەتەکانی جەڵتەی دڵ دەگرن و هەمیش خەرجی لەسەر نەخۆش و حکومەت کەمدەکەنەوە.

|294 جار خوێندراوەتەوە|