• krd travel
  • هاوکاری پەنابەران
  • REKLAM 570
  • ENJAZA
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • خەسێک بۆ فرۆشتن
  • فیربوونی زمانی ئینگلیزی
  • reklam180
  • reklam180
  • reklam180
  • reklam180
  • reklam180
  • بۆ فرۆشتن
  • ئای ستار
  • reklam180-3
  • ژیان لە بەریتانیا
  • کتێبی شۆفێری

وێنە و ڤیدیۆ..دواى ئەوەى بەرگری لە كچێك دەکات، كوڕێكی كورد لە لەندەن بە چەقۆ دەکوژرێت

وێنە و ڤیدیۆ..دواى ئەوەى بەرگری لە كچێك دەکات، كوڕێكی كورد لە لەندەن بە چەقۆ دەکوژرێت

لەكاتێكدا چەند گەنجیك كچێك بێزاردەكەن، كوڕێكی كورد بە مەبەستی پارێزگاریكردن لە كچەكە دێتە دەنگ و بەوهۆیەوە بە چەقۆ دەكوژریت.
یوسف کەریم حەسەن ئەلبەیجانى، كە تەمەنى تەنها 17 ساڵ بو و خوێندکارى بەشى بازرگانى بو، سێشەممەی رابردو رێكەوتی 10ی ئەیلول لە بەردەم رێستۆرانتی KFC لە شاری لەندەن بەر چەقۆ درا و  لە ئەنجامدا گیانیلەدەستدا.

چەند گەنجێك بێزاریانكردوە و یوسف-یش بەرگری لە كچەكە كردوە

كچێك كە هاوڕێی زانكۆی یوسف-ە، لە مەراسیمی بەخاكسپاردنەكەیدا رایگەیاند "پێش روداوەكە، چەند گەنجێكی تەمەن 16 ساڵ،  بێزاریانكردوە و یوسف-یش بەرگرى لێكردوە و هەوڵى پاراستنىداوە، بەو هۆیەوە گرژى لە نێوان یوسف و کوڕەکاندا رویداوە و ئەو هەرزەكارانە یوسف-یان بە چەقۆ برینداركردوە".

روداوەکە لەبەردەم رێستورانتێکى کەی ئێف سى لە شەقامێكی لەندەنى پایتەختى بریتانیا رویداوە و کامیراکانى چاودێرى رێستۆرانتەکە روداوەکەیان تۆمارکردوە تیایدا هێرشى گەنجەکان بەرونى بۆسەر یوسف دەردەکەوێت.

بە گوێرەی وتەی شایەتحاڵەکان، یوسف براكەی لەگەڵدابوە و لەكاتی هیرشەكەدا براكەی خۆیداوە بەسەر جەستەی یوسفدا و هاواریكردوە "بڕۆنە دواوە، ئەوە برامە"، دواتریش گەنجێک هەوڵى یارمەتیدانى یوسف دەدات و یەکێک لە چەقۆ بەدەستەکان کە تەمەنى 16 ساڵ بوە رادەستى پۆلیس دەکات.

پاش روداوەكە، دەستبەجێ فریاگوزاری سەرەتایی چوەتە ئەو جێگەیە و هەوڵیانداوە كاری پێویستی بۆ ئەنجامبدەن، بەڵام بەهۆی سەۆختی برینەكەیەوە، پاش ماوەیەكی كەم لە گەیشتنی بە نەخۆشخانە، یوسف گیانلەدەستدەدات، ئەو كەسانەش لە شوێنی رودوەكە ئامادەبون دەڵێن "كۆتا وشەی یوسف یا ئەڵڵا بوە".

یوسف لە خێزانێكی كوردە

راگەیاندنەكانی بریتانیا، سەبارەت بە یوسف بڵاویانكردوەتەوە، یوسف لەگەڵ خێزانەكەیدا كە خێزانێكی كوردن، لە شاری لەندەن ژیان بەڕێدەكەن و یوسف خوێندكاری زانكۆ بوە لە بەشی بازرگانی.

هاوكات ئاماژەیان بەوەكردوە، لەم مانگەدا، شەش حاڵەتی كوشتن بە چەقۆ لە شاری لەندەن تۆماركراوە، كە حاڵەتی كوشتنەكەی یوسف ئەو رێژەیەی بۆ حەوت حاڵەت بەرزكردوەتەوە لە هەمانكاتدا لە ماوەی ئەمساڵی 2019دا،  105 حاڵەتى کوشتن لەشارى لەندەن تۆماركراوە.

|4031 جار خوێندراوەتەوە|