• مۆڵەتنامەی شۆفێری جیهانی داوا بکە
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • سەرتەک تراڤڵ
  • screp for sale
  • ریکلام١٨٠
  • ریکلام١٨٠
  • ریکلام٨٠
  • ریکلام١٨٠
  • stokholm
  • gotnburg
  • دوکانیک بۆ فرۆشتن
  • بۆ فرۆشتن دوکانیکی حەلاق
  • سەرتاشمان دەوێت
  • بۆ فرۆشتن
  • بۆ فرۆشتن

نهێنی بڵاوبوونەوەی دەنگەکانی عەبدول لەتیف سەلەفی ئاشکرا دەبێت

نهێنی بڵاوبوونەوەی دەنگەکانی عەبدول لەتیف سەلەفی ئاشکرا دەبێت

:
كچە هاورێیەكی چاوان سۆران  كە خوێندكاری زانستە ئیسلامیەكان و هاوپۆلی یەكترن نهێنی تایبەت بۆ دواڕۆژ ئاشكرا دەكات و باس لەوەدەكات نامە دەنگیەكان چاوان بڵاوی كردنەوە و لەمانگی 11 ساڵی 2015 پەیوەندی خۆشەویستیان هەبووە چاوانیش هەڕەشەی لە دكتۆر عەبدول لەتیف كردوە". 

 

لیزان شێركۆ عایز هاورێ و هاوپۆلی چاوان سۆران خێزانی دكتۆر عەبدول لەتیفی سەلەفی وردەكاری رووداوەكە بۆ دواڕۆژ ئاشكرا دەكات و دەڵێت "لە ناوەراستی مانگی 11 ساڵی  2015 هەستمان دەكرد چاوان دكتۆر عەبدول لەتیف شتێك هەیە لە نێوانیان چونكە زۆر لەگەڵ یەك بوون زۆریش گرنگی بە چاوان دەدا لە كاتی موحازەرەیا بۆیە خوێندكارەكان گومانمان بۆ دروست بوو، چونكە رۆژی وا هەبوو بە كاتژمێر لە ژورەكەی دكتۆر بوو".

 

لیزان شێركۆ، دەشڵێت "لە كۆتایی مانگی 11 رۆژێك چاوان وتی لەگەڵ ئۆرڤان شەڕم كردوە، كێشەمان هەیە لەسەر ئەوەی زۆر دەوام دەكات و كەم یەكتر دەبینین هەردووكمان توشی كێشە بووین، رەنگە نەگونجێین".

 

لیزان، ئاماژە بەوە دەكات "هاورێیان رێنماییان كرد بۆ ئەوەی بچێتە لای دكتۆر عەبدول لەتیف تا رێگە چارەیەكی بۆ بدۆزێتەوە،چونكە دكتۆریان پێ باش بوو كەچی دكتۆر عەبدول لەتیف پێی وتبوو تۆ مناڵت نیە تەمەنت كەمە لەگەڵ ئەو كورە ناگونجێیت تۆ تەڵاقەكە وەرگرە و منیش مارەت دەكەمەوە، لەوكاتەی ئەوەی خستە مێشكی چاوانەوە گۆرانكاری بەسەر داهات". 

 

ئەو هاورێ نزیكەی چاوان بۆ دواڕۆژی رونكردەوە كە ئەوان پەیوەندیان چۆن بووە دەڵێت "مانگی 12 بەردەوام چاوان و دكتۆر عەبدول لەتیف بەناوی توێژینەوەی زانستی دادەنیشتن و لەژورەكە بە تەنیا بوون چەندین خوێندكار و تەنانەت منیش پێم وت "دكتۆر ئەوە شەرعی نییە كە بە تەنیا لەگەڵ ژنێك بیت "كەچی بە ئێمەی دەوت من وەك ئێوە نیم گومانی خراپ مەكەن".

 

لیزان هێما بۆ ئەوە دەكات"لەوكاتە بەدواوە چاوان تا درەنگانێكی زۆر لە پەیمانگا دەمایەوە، پێمان دەوت تۆ بۆ وا درەنگ دەرۆیتەوە ماڵەوە؟ چاوان پێی دەوتین من دەمەوێت یەكەم بم و توێژینەوەكەم باش بێت".

 

ئیتر بۆمان دەركەوت كە ئەوان خۆشەویستی یەكترن، چونكە چەندین حاڵەتی شاز و تایبەتمان بەدی دەكرد بۆیە سەیر بوو .! گشت تەلەبەكان دەیانزانی بەڵام كەس نەیدەوێرا باسی بكات".

 

لیزان باس لە خوێندنەكە دەكات و دەڵێت"دكتۆر عەبدول لەتیف سەلەفی وانەی (الفرق)ی بە ئێمە دەوت لەكاتی وانە وتنەوە چاوان هەستێكی تایبەتی هەبوو بۆ عەبدول لەتیف و ئەویش بە هەمان شێوە".

 

لیزان ئاماژە بەوەدەدات"چاوان و ئۆرڤان زۆر یەكتریان خۆشدەویست  كێ دەڵیت راست نییە با بێتە لام بەڵگەكانی دەخەمە بەردەست".

 

ئەو هاورێ نزیكەی چاوان رونیدەكاتەوە كە ئەوكاتە پشوی ساڵی نوێی زاینی 2016 هات و گەڕاونەتەوە ئەوكات چاوان وتی جیابومەتەوە لە رێكەوتی 1 كانونی دووەمی 2016 ،بەڵام ئەو رۆژە پشوی فەرمی سەری ساڵ یوو ئیتر نازانم چۆن بووە". 

 

سەبارەت بە ئاشكرا بوون و بڵاو بونەوەی دەنگ و وێنەكان، لیزان دەڵێت "درۆیە مۆبایلەكەی عەبدول لەتیف هاك نەكراوە و كەسیش سیخوری بەسەرەوە نەكردوە، من لە نزیكەوە ئاگادارم چۆن دەنگەكان بڵاو بونەوە، چاوان زۆر دەترسا ئەگەر بێت و لە ئۆرڤان جیاببێتەوە ببێت بە بێوەژن بۆیە وەك كارتێكی فشار خودی چاوان خۆی بوو ئەو دەنگانەی بڵاو كردەوە، دواتریش وەك بەڵگەیەك ئەگەر بێت و عەبدول لەتیف سەلەفی  پەشیمان بوەوە لە زەواجەكەی ئەوا گشتیان بڵاو بكرێنەوە بە ناچاری زەواجی لەگەڵ بكات، بۆیە چاوان ئەو شتانەی دا بە هاوڕێیەكی ناو مەعهەد و دەنگەكانیش سەرجەمیان "ڤۆیس میسەیجە" هیچی تەلەفۆن نییە لەریی تیلیگرامیشەوە بوو، چونكە عەبدول لەتیف نەیدەتوانی لەماڵەوە و لەبەر مزگەوت بە تەلەفۆن قسە بكات بۆیە بەس بە "ڤۆیس میسەیج" قسەیان کردوە. 

 

لیزان ئەوە روندەكاتەوە"چاوان زۆر دڵتەنگ بوو بەردەوام جلی رەشی لەبەر دەكرد و دەگریا هەر دەگریا هاورێیەكمان بە پێكەنینەوە وتی ئیهمالی بكەن ناگات بە مانگی شەش بۆخۆی شوو دەكات و دەبێتە ژنی سێیەمی دكتۆر عەبدول لەتیف".

 

لیزان هێما بۆ ئەوە دەكات "دوای گەرانەوەیان بۆ پەیمانگە، خوێندكارەكان چاوانیان ئیهمال كردوە و فیكەشیان بۆ هاوسەرەكەی لێداوە و چەندین قسەشیان پێ وتون بەڵام كاردانەوەیان نەبووە".

 

دوای كە چووینە موحازەرە ئێمە هاتینە ژورەوە و دكتۆر پێی وتین شتەكە راست نییە كە باستان كردوە درۆیە بۆم دروستكراوە تائێستا چەندین نامەی ناشرینم بۆهاتووە، راستەوخۆش لە هۆڵی خوێندن دكتۆر عەبدول لەتیف لەبەردەمی ئێمە بەچاوانی وت من چۆن تۆم هێنا ؟ چاوانیش وتی"بە رەزامەندی خۆم بوو دكتۆر وتی هەڵمخەڵەتاندی ئەویش وتی"نەخێر". 

 

لەبارەی ئەو نامەیەی بۆ دەزگاكانی راگەیاندن نێردراوە لیزان بۆ یەكەمجار بۆ دواڕۆژ ئاشكرای دەكات و دەڵێت" دكتۆر عەبدول لەتیف خۆی نامەكەی نوسیی و ناردی تا خۆی بپارێزێت ئەگەرنا ئێستاش چاوان نازانێـ ئەو نامەیە نوسراوە چونكە چاوان ناتوانیت سەیری كەناڵە تەلەفزیۆنیەكان بكات تەلەبەكانیش ئەوە دەزانن، چونكە ئەو رۆژەی گوایە چاوان نامەكەی نوسیوە چاوان ئاگادار نەبوو".

 

 

 

لیزان شتێكی گرنگ باسدەكات "بۆیەكەم جار دكتۆر عەبدول لەتیف بەسەیارە درعەكەی تا بەردەمی راگرایەتی دەچێت و دادەبەزێت كە چاوانیشی لەگەڵە لە كاتێكدا پێشوتر لەدوری راگرایەتی ئۆتۆمبێلەكەی رادەگرت".

 

لەبارەی پەشیمان بونەوەی چاوان لیزان قسەی هەیە"چاوان كچێكی زۆر سۆزدارە و بە ئاسانی بڕیار دەدات و پەشیمان دەبێتەوە".

 

 

 

لیزان لەبارەی پەیجی پەیمانگەی زانستە ئیسلامیەكان دەڵێت"ژمارەیەكی زۆر دەنگ و وێنەی تایبەتی هەردوكیان لەلای سەرپەرشتیارانی پەیجەكە هەیە، بەڵام ئێستا بڵاوی ناكەنەوە سەرجەمی ئادمینەكانیش خوێندكاری دكتۆر عەبدول لەتیفن".

 

چاوان سۆران دوای جیابونەوەی لە ئۆرڤان لەرێكەوتی 3 ئایاری 2016 هەمان رۆژ هاوسەرگیری لەگەڵ دكتۆر عەبدول لەتیف رابەری سەلەفیەكانی كوردستان ئەنجامدا ئەوەش كاردانەوەی جۆراو جۆری لێكەوتەوە.

 

تێبینی ناوی لیزان شێركۆ عایز ناوێكی خوازارە بە هۆی هەستیاری بابەتەكە رازی نەبوو ناوی بنوسرێت، بەڵام تەواوی لێدوانی هاوڕێی هاوسەرە نوێیەکەی عەبدول لەتیف سەلەفی لای دواڕۆژ پارێزراوە.

 

|27399 جار خوێندراوەتەوە|