• مۆڵەتنامەی شۆفێری جیهانی داوا بکە
  • reklam5770
  • krd travel
  • reklam 570
  • SARTAK TRAVEL
  • شاپۆست تەواو دەبێت لە ١٢-١٢-٢٠١٦
  • driving test
  • life in uk test in kurdish
  • car wash for sale
  • barber
  • ISTAR2
  • reklam180

ئایا شێرپەنجە نەخۆشیەکی نوێیە؟

ئایا شێرپەنجە نەخۆشیەکی نوێیە؟

شوێنەواری چەند پارچە ئێسکێک دەیسەلمێنێت نەخۆشی شێرپەنجە زیاتر لەملیۆنێک ساڵە بوونی هەیە .

پارچە ئێسکەکان ئەو دەسەلمێنن نەخۆشی شێرپەنجە کۆنترە لەوەی پێشبینیدەکراو ئەو بۆچوونانە ڕەتدەکەنەوە کە دەڵێن نەخۆشیەکە  هۆکارەکەی بۆ گۆڕانکاری لە ژەمە خواردنەکان و فشاری ژیانی مۆدێرن و گۆڕانکاری لە هەڵسوکەوتی مرۆڤدا دەگەڕێتەوە کە دەبێتە هۆی ژەهراویبوون و توشبوون بە نەخۆشی شێرپەنجە .

زانایان چەند بەڵگەیەکیان لە پارچەیەک  ئێسکی پێ و ئێسکی بڕبڕەی پشتی مرۆڤی هۆمینینی دێریندا دۆزیووەتەوە کە لە باشووری ئەفریقادا نیشتەجێبوون.

زانایانی بواری پەیلیۆنتۆلجی لە  زانکۆی ویتواتەرسراند بۆ توێژینەوەی گەشەسەندن لەگەڵ ناوەندی نایابی پەیڵیۆساینسس لە باشووری ئەفریقا ئاشکرایانکرد پارچە ئێسکی بڕبڕەیەکی پشت کە ئێسکی مێردمنداڵێکی تەمەن ١٢ بۆ ١٣ ساڵانبووە و مێژووەکەی بۆ ٢ ملیۆن ساڵ لەمەوپێش دەگەڕێتەوە خانەی شێرپەنجەی تێدا دەرکەوتووە .

هەروەها ئێسکی پەنجەی پێی کەسێک دۆزراوەتەوە کە پەنجەی پێی چەپی بووەو ئەویش خانەی شێرپەنجەی تێدا دەردەکەوێت کە مێژووەکەی بۆ ملیۆنێک و ٧٠٠ ساڵ لەمەوپێش دەگەڕێتەوە.

توێژینەوەکە لە ڕێگای پشکنینی سێ ڕەهەندیەوە ئەنجامدراوە.

پێشتر دواین دۆزینەوە کە دەربارەی خانەی شێرپەنجە هەبوو مێژووەکەی بۆ ٧٨٠ هەزار ساڵ لەمەوپێش دەگەڕایەوە.

زانایان ئاشکرایانکردووە هەرچەندە حاڵەتەکانی نەخۆشی شێرپەنجە لە سەردەمی کۆندا کەمبوون، بەڵام مرۆڤ تەمەنی هێندە درێژ نەبووە کە گرێی شێرپەنجە لە لەشیدا گەشە بکات.

بە گوێرەی زانیاریەکانی ناشناڵ جیۆگرافیک بۆ یەکەمجار پزیشکێکی میسری بەناوی ئیمحوتەب لەسەردەمی دێرینی میسردا نەخۆشی شێرپەنجەی مەمکی دۆزیووەتەوە کە لە کتێبەکەیدا بە " هەڵئاوسان"ناویبردووە.

ش.ع

|1873 جار خوێندراوەتەوە|